საჭიროა ყოველდღიური შრომა, რათა დამოუკიდებლობა შენარჩუნდეს. ყველას კარგად უნდა ესმოდეს, რომ თავისით არაფერი მოდის, - ამის შესახებ სახალხო დამცველმა, ლევან იოსელიანმა დამოუკიდებლობის დღისადმი მიძღვნილი ოფიციალური ღონისძიების დასრულების შემდეგ, ჟურნალისტებთან განაცხადა.
მისივე თქმით, დღევანდელი დღის მნიშვნელობა განსაკუთრებულია.
“გილოცავთ დღევანდელ დღეს. დღევანდელი დღის მნიშვნელობა განსაკუთრებულია, ეს არის სახელმწიფოებრიობის ფუნდამენტი,ბურჯი რაზეც დამოუკიდებელი საქართველო დგას. ამ დღეს სჭირდება შრომა, ამ დღისთვის საჭიროა ყოველდღიური შრომა, რათა დამოუკიდებლობა შენარჩუნდეს. ყველას კარგად უნდა ესმოდეს, რომ თავისით არაფერი მოდის. ჩვენი წინაპრების განსაკუთრებული შრომის შედეგია, რომ 26 მაისი საქართველოს დამოუკიდებლობის დღედ შედგა. ჩვენი ვალია ეს დღე გავაგრძელოთ”,- აღნიშნა იოსელიანმა.