ვახტანგ ცინცაძე - 26 მაისი აღმატებული დღეა, რადგან ყველას კარგად გვესმის, რამდენად დიდი მნიშვნელობისაა ქვეყნის თავისუფლება და სუვერენიტეტი

ეკონომიკის მინისტრის მოადგილის, ვახტანგ ცინცაძის შეფასებით, დამოუკიდებლობის დღე ყველაზე აღმატებული დღეა, რომელსაც მთელი საქართველო ზეიმობს, რადგან ყველას კარგად ესმის, რამდენად დიდი მნიშვნელობისაა ჩვენი ქვეყნის თავისუფლება და სუვერენიტეტი.

„ეკონომიკის სამინისტროს სახელით, მსურს საქართველოს თითოეულ მოქალაქეს მივულოცო 26 მაისი - მართლაც უმნიშვნელოვანესი, აღმატებული დღე, რომელსაც მთელი საქართველო ზეიმობს. სასიხარულოა, რომ ტრადიციულად, ამ დღესთან დაკავშირებული ღონისძიებების ფარგლებში, ეკონომიკის სამინისტრო წარმოდგენილია საქართველოს არაერთ რეგიონში, თავისი პავილიონებით, სადაც სხვადასხვა სექტორის მიღწევებთან ერთად მოქალაქეებს შეუძლიათ გაეცნონ მიმდინარე ტენდენციებს, დაათვალიერონ სტენდები და ინფორმაცია მიიღონ იმ მიმართულებებზე, რასაც ეკონომიკის სამინისტრო ახორციელებს",- აღნიშნა ცინცაძემ.

ეკონომიკის მინისტრის მოადგილე დღეს გორში იმყოფებოდა, სადაც 26 მაისის ღონისძიების ფარგლებში „საქართველოს ფოსტის" მიერ ორგანიზებული სივრცეები დაათვალიერა - გორის ცენტრალურ მოედანზე "საქართველოს ფოსტა" შემეცნებითი და საბავშვო-გასართობი აქტივობებით არის წარმოდგენილი, სადაც დამთვალიერებლებს საშუალება ეძლევათ ასევე გაეცნონ ფოსტისა და საფოსტო მარკების ისტორიას.

„26 მაისი ისტორიული მნიშვნელობის მატარებელია - ეს დღე ჩვენია, რადგან ჩვენი მთავარი პრიორიტეტია დამოუკიდებლობა, სუვერენიტეტი და ღირსეული მომავალი ევროპისკენ", - აღნიშნა ვახტანგ ცინცაძემ.

ინფორმაციას ეკონომიკის სამინისტრო ავრცელებს.

ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
Webster University Georgia-ს რექტორი ჟან პოლ ვან მარისინგი - უნივერსიტეტს აქვს პოტენციალი, რეგიონის საგანმანათლებლო ჰაბი გახდეს
ქართული პრესის მიმოხილვა 24.06.2024
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად