დაჩი ბერაია გიორგი მსხილაძეს - ამბობთ, რომ კანონი არ  მოგწონთ - მაინტერესებს, შრიფტის ზომა არ მოგწონთ თუ რითი ხართ უკმაყოფილო?

ამბობთ, რომ კანონი არ მოგწონთ. მაინტერესებს, შრიფტის ზომა არ მოგწონთ ამ კანონში თუ რა არ მოგწონთ? - ასე მიმართა იურიდიულ საკითხთა კომიტეტის სხდომაზე, უმრავლესობის დეპუტატმა, დაჩი ბერაიამ, პრეზიდენტის საპარლამენტო მდივანს, გიორგი მსხილაძეს.

როგორც ბერაიამ აღნიშნა, პრეზიდენტის საპარლამენტო მდივანი უარს ამბობს „უცხოური გავლენის გამჭვირვალობის შესახებ“ კანონპროექტის შესახებ მოტივირებული შენიშვნების მუხლობრივ განხილვაზე.

„თქვენ ამბობთ, რომ კანონი არ მოგწონთ. მაინტერესებს, შრიფტის ზომა არ მოგწონთ ამ კანონში თუ რა არ მოგწონთ? მუხლობრივ განხილვაზე უარს ამბობთ, შრიფტის ზომით ხართ უკმაყოფილო თუ რით? იქნებ აგვიხსნათ?“- მიმართა დაჩი ბერაიამ გიორგი მსხილაძეს.

დეპუტატს სხდომაზევე უპასუხა პრეზიდენტის საპარლამენტო მდივანმა და აღნიშნა, რომ ეს კანონი მთლიანად არის გასაუქმებელი.

„ეს კანონი არის რუსული და არის რუსული კანონის ანალოგი. მინდა ქრონოლოგიურად მოგიყვეთ, როგორ ვითარდებოდა რუსეთში მოვლენები 2012, 2017, 2019 და 2020 წლებში. როგორ იცვლებოდა აღნიშნული ტიპის კანონი. მუხლობრივ განხილვაში შემოსვლას არ ვაპირებ, იმიტომ, რომ მთლიანად კანონი არის გასაუქმებელი და მიუღებელი!“- განაცხადა მსხილაძემ.

ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
Webster University Georgia-ს რექტორი ჟან პოლ ვან მარისინგი - უნივერსიტეტს აქვს პოტენციალი, რეგიონის საგანმანათლებლო ჰაბი გახდეს
ქართული პრესის მიმოხილვა 24.06.2024
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად