გიორგი მსხილაძე - კანონი მთლიანად, პირველიდან მე-10 მუხლის ჩათვლით არის გასაუქმებელი - ჩვენ „ოცნებას“ კიდევ ერთი შანსი მივეცით, რომ აღნიშნული კანონი გაეუქმებინა, ახლა, რაც მოხდება დააბრალონ საკუთარ თავს!

კანონი მთლიანად, პირველიდან მე-10 მუხლის ჩათვლით არის გასაუქმებელი - ჩვენ „ოცნებას“ კიდევ ერთი შანსი მივეცით, რომ აღნიშნული კანონი გაეუქმებინა, აწი, რაც მოხდება დააბრალონ საკუთარ თავს! - ამის შესახებ პრეზიდენტის საპარლამენტო მდივანმა, გიორგი მსხილაძემ ჟურნალისტებს განუცხადა, რითაც გამოეხმაურა იურიდიული კომიტეტის მიერ „უცხოური გავლენის გამჭვირვალობის შესახებ“ კანონპროექტზე პრეზიდენტის მოტივირებულ შენიშვნებისთვის მხარის არ დაჭერას.

როგორ მსხილაძემ აღნიშნა, ეუთო/ოდირის დასკვნა, ვენეციის კომისიის დასკვნა, პირდაპირ მიუთითებს, რომ აღნიშნული კანონი უნდა გაუქმდეს. მისი თქმით, ამას ამბობს პრეზიდენტის ვეტოც, რომ აღნიშნული კანონი მიუღებელია, ხელის შემშლელია ევროინტეგრაციის გზაზე და უნდა გაუქმდეს.

„დღეს იურიდიულ კომიტეტზე მიმდინარეობდა პრეზიდენტის ვეტოს მოსმენა. მინდა გითხრათ, რომ ეს კანონი შედგებოდა 10 მუხლისგან, მე-11 დაამატა პრეზიდენტმა, რომ აღნიშნული კანონი 1-ელიდან მე-11 მუხლის ჩათვლით უნდა გაუქმდეს, იმიტომ, რომ აღნიშნული კანონი ეწინააღმდეგება საქართველოს ევროინტეგრაციას. ამას ამბობს არაერთი ავტორიტეტული საერთაშორისო ორგანიზაცია. ამას ამბობს როგორც ვენეციის კომისია, ისე ეუთო-ოდირი და ისე ჩვენი საერთაშორისო პარტნიორები, რომ [კანონი] ქვეყნისთვის შემაფერხებელია ევროინტეგრაციის გზაზე. ამ არგუმენტების მოსმენა არ სურდათ, არ იყო საკმარისი იურიდიული კომიტეტისთვის, უნდოდათ ჩვენი მუხლობრივ, შინაარსობრივ ნაწილში შესვლა, კანონზე რომ გვესაუბრა. კანონი მთლიანად, პირველიდან მე-10 მუხლის ჩათვლით არის გასაუქმებელი. სწორედ ამიტომ დაამატა პრეზიდენტმა მე-11 მუხლი, რომ აღნიშნულმა კანონმა იმუშაოს მხოლოდ 1 დღე. აღნიშნული კანონი ეწინააღმდეგებოდა როგორც საქართველოს კონსტიტუციას, ისე მიღების წესია ჩვენთვის მიუღებელი.

კიდევ გავიმეორებ, ეუთო/- ოდირის დასკვნა, ვენეციის კომისიის დასკვნა, პირდაპირ მიუთითებს, რომ აღნიშნული კანონი უნდა გაუქმდეს! ამას ამბობს პრეზიდენტის ვეტოც, რომ აღნიშნული კანონი მიუღებელია, ხელის შემშლელია ევროინტეგრაციის გზაზე და უნდა გაუქმდეს. შესაბამისად, ჩვენ „ოცნებას“ კიდევ ერთი შანსი მივეცით, რომ აღნიშნული კანონი გაეუქმებინა, აწი, რაც მოხდება დააბრალონ საკუთარ თავს!

ყველაზე სამწუხაროა ის, რომ აღნიშნული კანონის მიღებით და აღნიშნული პროცესით ზიანდება ჩვენი ქვეყანა და ჩვენს სახელმწიფოებრიობას ექმნება საფრთხე, ეს ძალიან დიდი საფრთხის წინ აყენებს ჩვენს ქვეყანას. აქ არის ქვეყანაზე საუბარი, თორემ პიროვნებები ვის აინტერესებს, ვის რა სანქციას დაადებენ და ვის რა თანხას ან ქონებას ჩამოართმევენ. აქ არის ერთადერთი, რომ ქვეყანას ექმნება პრობლემა ევროინტეგრაციის გზაზე“, - განაცხადა მსხილაძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024