რიმა ბერაძე - გუნდი ერთიანია, მთლიანი და ვეტო დაძლეული იქნება - თუ ქვეყანას სჭირდება ჩემი დასანქცირება, მზად ვარ, დამასანქცირონ

გუნდი ერთიანია, მთლიანია. პირველ, მეორე და მესამე მოსმენაზეც გუნდი იყო ერთიანი. გუშინ, იურიდიული კომიტეტის სხდომაზე ვეტო იქნა დაძლეული, რა თქმა უნდა, დღესაც ვეტო იქნება დაძლეული, გუნდში მტკიცე ერთიანობაა, - ამის შესახებ ფრაქცია „ქართული ოცნების“ დეპუტატმა რიმა ბერაძემ „პალიტრანიუსს“ განუცხადა.

რაც შეეხება ფაქტს, ელოდება თუ არა, ის სანქციების ამოქმედებას, ბერაძე პასუხობს, რომ აღნიშნულისთვის მზად არის.

„ამაზე დიდი ხანია გვესმის, გვემუქრებიან ამ საკითხთან დაკავშირებით. ვფიქრობ, თუ ჩემს ქვეყანას სჭირდება ჩემი დასანქცირება და ჩემი ქვეყანა უკეთესად ივლის ამ გზით, რასაც ჰქვია ვეტოს დაძლევა და ამ კანონის მიღება, მე მზად ვარ, რომ დამასანქცირონ“, - აცხადებს ბერაძე.

კითხვაზე, თუ რას უპასუხებს ოპონენტებს, რომლებიც „უცხოური გავლენის გამჭვირვალობის შესახებ“ კანონპროექტის მხარდაჭერა, ქვეყნის წინაშე ჩადენილი დანაშაულია, ბერაძე პასუხობს, რომ ამას „ისტორია აჩვენებს“.

„ამ კანონით მიმაჩნია და ვფიქრობ, რომ ჩვენი ქვეყნის უკეთესი მომავალი, ქვეყანაში გამჭვირვალობა იქნება, ასევე ყველაზე მთავარი - შენარჩუნდება მშვიდობა, რისთვისაც ჩვენი გუნდი იბრძვის. კიდევ ერთხელ გავიმეორებ, რომ ჩვენი გუნდი მზად არის, ქვეყანაში მშვიდობა და უკეთესი მომავალი იყოს“, - განაცხადა ბერაძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024