“უცხოური გავლენის გამჭვირვალობის შესახებ” კანონპროექტის წინააღმდეგ ბათუმში შოთა რუსთაველის სახელობის სახელმწიფო უნივერსიტეტთან სხვადასხვა უმაღლესი სასწავლებლის სტუდენტები საპროტესტო აქციას მართავენ.

შეკრებილების განცხადებით, ხელისუფლების მიერ წარმოდგენილი კანონპროექტი ქართველ ახალგაზრდებს ევროპულ განათლებას ართმევს.

აქციის მონაწილეები, საქართველოს პარლამენტის დეპუტატებს მოუწოდებენ, რომ წარმოდგენილი კანონპროექტი არის რუსული და მხარი არ დაუჭირონ.

“პროტესტი არ წყდება, ჩვენ ვაგრძელებთ პროტესტს სხვადასხვა ადგილზე, სხვადასხვა ფორმატით. იცით, რომ აუდიტორიებშიც ვაგრძელებთ პროტესტს და ყველა, ვინც ჩვენი გაფიცვის პერიოდში იყვნენ დარჩენილი უნივერსიტეტში, ვეუბნებით, რა არის ჩვენი მოთხოვნა და რა არის ჩვენი არჩევანი - ეს არის ევროპა და ევროკავშირი… არა ძალადობრივი გარემო და არა რუსული გარემო პოლიტიკაში. სტუდენტებს შემოგვიერთდნენ მოსწავლეებიც. 19:00 საათზე ევროპის მოედანზე გადავალთ და საქართველოს მოქალაქეები კიდევ ერთხელ დავაფიქსირებთ პოზიციას - “არა რუსულ კანონს”, - აცხადებს აქციის მონაწილე თემო ტარიელაძე.