ირაკლი კობახიძე - ჩვენი მიზანია ევროკავშირში გაწევრიანება და არა რომელიმე პოლიტიკოსთან ან ბიუროკრატთან მიერთება

ჩვენი მიზანია ევროკავშირში გაწევრიანება და არა რომელიმე პოლიტიკოსთან ან ბიუროკრატთან მიერთება; შესაბამისად, ჩვენ რა თქმა უნდა, თანმიმდევრულად გავაგრძელებთ იმ პოლიტიკას, რაც მიმართულია ევროკავშირში გაწევრიანებისკენ, - ამის შესახებ საქართველოს პრემიერ-მინისტრმა ირაკლი კობახიძემ დღეს გამართულ პრესკონფერენციაზე განაცხადა.

მისი შეფასებით, საბოლოო ჯამში, პოლიტიკოსები მიდიან და მოდიან, მაგრამ ევროკავშირი და ამერიკის შეერთებული შტატები რჩება.

„მიუხედავად იმისა, რომ ჩვენ გვქონდა სირთულეები სხვადასხვა ეტაპზე პოლიტიკოსებთან, კონკრეტულ ბიუროკრატებთან, მაინც მოვახერხეთ პროგრესის მიღწევა ურთიერთობების დაახლოებით კუთხით, მათ შორის განსაკუთრებით ევროინტეგრაციის გზაზე. სწორედ ჩვენი ხელისუფლების პირობებში, მიუხედავად სერიოზული სირთულეებისა, მოვახერხეთ 4 პრინციპული ნაბიჯის გადადგმა. ბოლო იყო კანდიდატის სტატუსის მიღება. პოლიტიკოსები მიდიან, მოდიან, ბიუროკრატები მიდიან, მოდიან, მაგრამ ევროკავშირი რჩება. ჩვენი მიზანია ევროკავშირში გაწევრიანება და არა რომელიმე პოლიტიკოსთან ან ბიუროკრატთან მიერთება. შესაბამისად, ჩვენ რა თქმა უნდა, თანმიმდევრულად გავაგრძელებთ იმ პოლიტიკას, რაც მიმართულია ევროკავშირში გაწევრიანებისკენ", - აღნიშნა პრემიერმა.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
გიორგი ცუცქირიძე - ლარის კურსის ვარდნა ეკონომიკაში ფუნდამენტურ ცვლილებებს არ უკავშირდება და აჟიოტაჟის შედეგი იყო
ქართული პრესის მიმოხილვა 13.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი