პარლამენტი, დაჩქარებული წესით, „ფულის გათეთრებისა და ტერორიზმის დაფინანსების აღკვეთის ხელშეწყობის შესახებ“ კანონში ცვლილებებს იხილავს

პარლამენტი, დაჩქარებული წესით, “ფულის გათეთრებისა და ტერორიზმის დაფინანსების აღკვეთის ხელშეწყობის შესახებ“ კანონში ცვლილებებს იხილავს, რომელიც მთავრობამ მოამზადა.

მთავრობის საპარლამენტო მდივნის ვახტანგ ბაჩიაშვილის ინფორმაციით, პროექტი ევროპის საბჭოს ფულის გათეთრების წინააღმდეგ მიმართულ ღონისძიებათა შემფასებელ რჩეულ ექსპერტთა (Moneyval) კომიტეტის რეკომენდაციების საფუძველზე მომზადდა.

ბაჩიაშვილის თქმით, ცვლილებები კანონით განსაზღვრული ანგარიშვალდებული პირების საქმიანობას მოაწესრიგებს და მათ დამატებით ვალდებულებებს გაუჩენს, რათა როგორც ფულის გათეთრების, ასევე ტერორიზმის დაფინანსების რისკები მაქსიმალურად შემცირდეს.

შემუშავდება ე.წ. საეჭვო გარიგების კრიტერიუმები.

„ამ კრიტერიუმების საფუძველზე მოხდება კონკრეტული გარიგების შესახებ ინფორმაციის მიწოდება ფინანსური მონიტორინგის სამსახურისთვის, რომელმაც 24 საათის განმავლობაში უნდა გამოიყენოს კანონით მისთვის მინიჭებული უფლებამოსილება, თუ დარწმუნდა, რომ ეჭვი საფუძვლიანია და აღნიშნული უძრავი ქონების საკუთრების გადამცემი გარიგება გამოყენებულია ფულის გათეთრების ან ტერორიზმის დაფინანსების მიზნებისთვის, მოითხოვოს გარიგების შეჩერება და შესაბამისი ინფორმაციის გადაგზავნა საგამოძიებო ორგანოში.

თუ ამ ვადაში არ იქნება გამოყენებული შესაბამისი მოთხოვნა ან არ დადასტურდება ის ეჭვი, რომელიც მარეგისტრირებელ პირს წარმოეშვება, ამ შემთხვევაში სარეგისტრაციო წარმოება გაგრძელდება ჩვეულებრივ“, - განმარტა ვახტანგ ბაჩიაშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024