ზუგდიდის ბოტანიკური ბაღი „ისტორიული ბაღების VII  ევროპულ ფორუმს“ მასპინძლობს

ზუგდიდის ბოტანიკური ბაღი „ისტორიული ბაღების VII ევროპულ ფორუმს“ მასპინძლობს. ინფორმაციას ზუგდიდის მუნიციპალიტეტის მერია ავრცელებს.

მათივე ცნობით, ფორუმი ნიკოსეულ სასახლეში, ზუგდიდის მერმა, მამუკა წოწერიამ გახსნა. მერმა მისასალმებელ სიტყვაში ფორუმის მნიშვნელობასა და ზუგდიდის ბოტანიკური ბაღის ისტორიაზე ისაუბრა.

მერის თქმით, აღნიშნული ფორუმი ხაზს უსვამს ზუგდიდის ბოტანიკური ბაღის ისტორიულ მნიშვნელობას და მის წვლილს მსოფლიო კულტურულ მემკვიდრეობაში.

„დღევანდელი ფორუმი არის საშუალება, რომ ევროპამ უფრო ახლოს გაიცნოს ბოტანიკური ბაღისა და ზუგდიდის ისტორია, გაიცნონ მისი დენდროლოგიური და ტურისტული პოტენციალი. ასევე, ჩვენთვის კარგი საშუალებაა გავეცნოთ სხვადასხვა პრაქტიკას, კულტურული მემკვიდრეობის მართვას და მცენარეთა ფიტოსანიტარული დაცვის მეთოდოლოგიას, რაც საგრძნობლად გააუმჯობესებს ბოტანიკური ბაღის მენეჯმენტს. ზოგადად, ეს არის შესაძლებლობა ზუგდიდის ბოტანიკური ბაღის პოპულარიზაციისთვის, რათა მან დაიკავოს უმნიშვნელოვანესი ადგილი ევროპის ბოტანიკური ბაღების მარშრუტში,“ - აღნიშნა მამუკა წოწერიამ.

მერიის ცნობითვე, კონფერენციაზე სხვადასხვა ევროპული ბაღის წარმომადგენლები ერთმანეთს ბაღებში არსებულ საერთო გამოწვევებს, საშიშროებებსა და გამოცდილებას გაუზიარებენ.

„უპრეცედენტო მასშტაბის ღონისძიების ქალაქ ზუგდიდში ჩატარებას საფუძველი გასული წლის მაისის თვეში ჩაეყარა, როდესაც ბაღის დირექტორი შალვა აგუმავა რიგით მეექვსე ფორუმზე. იტალიის ქალაქ ფლორენციაში იმყოფებოდა. ევროპული ბაღების გაერთიანების ასოციაციის წევრობას ზუგდიდის ბოტანიკური ბაღი 2022 წელს შეუერთდა“, - ნათქვამია ზუგდიდის მერიის მიერ გავრცელებულ ინფორმაციაში.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
მირიან მირიანაშვილი - ხელისუფლების პოლიტიკურ ელიტას პოლიტიკური კომპასი აერია და შეუქცევადად მცდარი დასკვნების სამყაროში შევიდა
ქართული პრესის მიმოხილვა 10.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ტურბომიკრონ G - დაივიწყეთ ვენური პრობლემები
თბილისში „ბარამბოს“ სანაყინე ჯიხურები გაიხსნა
გაიაქტიურე სილქნეტის 90-დღიანი პაკეტები მთელი ზაფხულისთვის
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი