ხატია დეკანოიძე - კანონის მოქმედებით უკვე ბევრი პროექტი და პროგრამა გაჩერდა

არასამთავრობო სექტორსა და სამოქალაქო საზოგადოებას მინდა სრული სოლიდარობა გამოვუცხადო, მაგრამ ასევე მინდა ვუთხრა სახელმწიფოს, “ქართულ ოცნებას” და ივანიშვილის მსახურებს, რომ ამ კანონის მოქმედებით უკვე ბევრი პროექტი და პროგრამა გაჩერდა, - ამის შესახებ “ევროოპტიმისტების” დეპუტატმა, ხატია დეკანოიძემ “უცხოური გავლენის გამჭვირვალობის შესახებ” კანონზე საუბრისას განაცხადა.

დეკანოიძის თქმით, მაგალითად, ბავშვთა ონკოლოგიურმა პროექტებმა, რომლებიც ძალიან მნიშვნელოვან საქმეს აკეთებს, შესაძლოა, მუშაობა გააჩეროს.

“რუსული კანონი” საქართველოს სახელმწიფოში ოპერირებას ვერ გააგრძელებს. იმიტომ რომ პირველ რიგში, ეს არ არის რუსეთი და ბელარუსი. არასამთავრობო სექტორსა და სამოქალაქო საზოგადოებას მინდა სრული სოლიდარობა გამოვუცხადო, მაგრამ ასევე მინდა ვუთხრა სახელმწიფოს, “ქართულ ოცნებას” და ივანიშვილის მსახურებს, რომ ამ კანონის მოქმედებით უკვე ძალიან ბევრი პროექტი და პროგრამა გაჩერდა. მაგალითად, ბავშვთა ონკოლოგიურმა პროექტებმა, რომლებიც ძალიან მნიშვნელოვან საქმეს აკეთებდა, შეიძლება მუშაობა გააჩეროს. ასევე სხვადასხვა მუნიციპალიტეტში ბავშვებზე ორიენტირებული პროექტები წერენ მუნიციპალიტეტებს, რომ ვერ გააგრძელებენ მუშაობას და თუ ასე გაგრძელდა ეს იქნება ძალიან მძიმე. მე დარწმუნებული ვარ, რომ ასე არ გაგრძელდება, როდესაც ბევრ ინდივიდს, ადამიანს შეეხება ამ კანონის მოქმედება. შესაბამისად, ჩვენ კონცენტრირებული უნდა ვიყოთ, რომ რაც შეიძლება ნაკლები ადამიანი დაზარალდეს, თუმცა თუ სახელმწიფო გადაწყვეტს, რომ კონკრეტულ ადამიანებს დაემუქროს, ამასაც რა თქმა უნდა, კონკრეტული რეაგირება ექნება”, - აღნიშნა ხატია დეკანოიძემ.

ცნობისთვის, 28 მაისს, პარლამენტმა “უცხოური გავლენის გამჭვირვალობის შესახებ“ კანონპროექტზე პრეზიდენტის ვეტო დაძლია.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი