იაგო კაჭკაჭიშვილი - ხელისუფლებას სურს სამოქალაქო ორგანიზაციები, უკეთეს შემთხვევაში, ჰუმანიტარულ მისიებად აქციოს - ჰუმანიტარული პროექტები ჩრდილოეთ კორეასა და ირანშიცაა, დემოკრატიულობა პოლიტიკური ხასიათის ქმედებების ვალიდაციით გაიზომება

ხელისუფლებას სურს,სამოქალაქო საზოგადოების ორგანიზაციები, უკეთეს შემთხვევაში, გადააქციოს ჰუმანიტარულ მისიებად, რათა უცხოეთიდან შემოსული დაფინანსება დაიხარჯოს მხოლოდ ისეთ საქმეებში, რომლებშიც თავად ფულს არ დახარჯავს და დაზოგავს, - ამის შესახებ სოციოლოგი, იაგო კაჭკაჭიშვილი სოციალურ ქსელში წერს.

მისი შეფასებით, ხელისუფლებას სურს მისი ძალაუფლება უსაფრთხო იყოს.

„სახელისუფლებო პროპაგანდის ერთ-ერთი ვექტორი ისაა, რომ დაფინანსება, რომელსაც NGO-ები იღებენ, მხოლოდ მაშინაა ნორმალური, თუ ის ჰუმანიტარულ მისიას ემსახურება, ანუ ხმარდება შეჭირვებულ ჯგუფებს (შშმ პირები, დევნილები, სოციალურად დაუცველები და სხვ.), ხოლო თუ ფინანსების ხარჯვა პოლიტიკური შინაარსის ამოცანებს ხმარდება, ეს უკანონო და „შავი“ ფულია. ნურას უკაცრავად! უცხოური დაფინანსება შეიძლება და უნდა მოხმარდეს, აგრეთვე, პოლიტიკური შინაარსის აქტივობებს, მათ შორის, საპროტესტო მიტინგების ორგანიზების ხერხების დასწავლას, მშვიდობიანი პოლიტიკური ბრძოლისთვის გაწვრთნას, არჩევნებზე დაკვირვებას და ა.შ. ეს ჩვეულებრივი, დემოკრატიული პოლიტიკური კულტურისთვის დამახასიათებელი ღონისძიებებია და მათი გამოცხადება კანონგარეშედ ჩვეულებრივი ავტორიტარიზმია. ხელისუფლებას სურს, სამოქალაქო საზოგადოების ორგანიზაციები, უკეთეს შემთხვევაში, გადააქციოს ჰუმანიტარულ მისიებად, რათა უცხოეთიდან შემოსული დაფინანსება დაიხარჯოს მხოლოდ ისეთ საქმეებში, რომლებშიც თავად ფულს არ დახარჯავს და დაზოგავს. მთავარია, მისი ძალაუფლება იყოს უსაფრთხო. ჰუმანიტარული პროექტები ჩრდილოეთ კორეაშიც და ირანშიც ხორციელდება. ქვეყნის დემოკრატიულობა სწორედ პოლიტიკური ხასიათის ქმედებების ვალიდაციით გაიზომება. ეს კარგად უნდა დავიმახსოვროთ!“,-წერს კაჭკაჭიშვილი „ფეისბუქის“ გვერდზე.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024