თბილისში იუვენტუსის საფეხბურთო აკადემია გაიხსნება

წალენჯიხის იუვენტუსის აკადემიის შემდეგ თბილისშიც მალე ახალი საფეხბურთო აკადემია გაიხსნება.

ამის შესახებ ინფორმაციას პარტია „ლელო“ ავრცელებს.

მათივე ცნობით, პარტია „ლელოს“ ლიდერები ტურინის იუვენტუსის დელეგაციასთან ერთად, ლისის ტბაზე იმყოფებოდნენ, სადაც მალე დამწყები ფეხბურთელებისთვის ტურინის იუვენტუსის ანალოგიური სასწავლო-სარეაბილიტაციო კომპლექსი გაიხსნება.

ტურინის იუვენტუსის დელეგაციის შემადგენლობაშია მსოფლიო ფეხბურთის ლეგენდა დევიდ ტრეზეგეც.

„გვქონდა განხილვა კონკრეტული პროექტის განხორციელების თბილისში, ეს არ იქნება მარტო ბავშვთა სპორტული აკადემია, არამედ ეს იქნება იუვენტუსის დიდი კომპლექსი. ვსაუბრობთ, იუვენტუსის სპორტულ კომპლექსზე, სადაც იქნება სამედიცინო, სასტუმრო, გამაჯანსაღებელი, საკონფერენციო, სპორტული სივრცეები და ბავშვთა აკადემია, რომლის ანალოგიც არის ტურინში, ეს იქნება არა მარტო საქართველოს, არამედ მთელი რეგიონისთვის სერიოზული ლენდმარკი“, - აცხადებს მამუკა ხაზარაძე.

ბადრი ჯაფარიძის განცხადებით, კომპლექსის გახნა სპორტის განვითარებას „დიდ იმპულსს მისცემს“.

„ვფიქრობ, ეს ძალიან დიდ იმპულს მისცემს სპორტის განვითარებას ჩვენს ქვეყანაში, ამავე დროს იქნება სამედიცინო კუთხითაც ძალიან საინტერესო განვითარება ჩვენი ქვეყნისთვის და რაც მთავარია, ქართველებს, ჩვენი ქვეყნის სტუმრებს გაუჩნდებათ საუცხოო ინფრასტრუქტურა, მსოფლიო სტანდარტის, რომელიც შეძლებს, რომ ყველაზე მაღალი ხარისხის მომსახურება გაუწიოს სტუმრებს და რაც მთავარია, ქართველი ბავშვებისთვის იქნება უნიკალური ინფრასტრუქტურა, რომელიც კიდევ უფრო მეტად დააინტერესებს მათ რომ ითამაშონ ფეხბურთი ძალიან მაღალ პროფესიულ დონეზე და შემდეგ ითამაშონ მსოფლიოს წამყვან კლუბებში“,- ამბობს ბადრი ჯაფარიძე.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024