ვოლოდიმირ ზელენსკი - უკრაინის ცის სრული დაცვა ნორმად უნდა იქცეს, რათა კრემლში შეშლილებმა გაიგონ, რომ მათი ტერორიზმი მიზანს ვერ აღწევს -  პარტნიორებმა ზუსტად იციან, რა არის ამისთვის საჭირო

პარტნიორებმა ზუსტად იციან, თუ რა არის საჭირო უკრაინის ცის სრული დაცვისთვის, - ამის შესახებ უკრაინის პრეზიდენტმა, ვოლოდიმირ ზელენსკიმ რუსული ძალების მიერ განხორციელებული მასიური თავდასხმის შემდეგ განაცხადა.

„ამ ღამით, უკრაინის ცენტრში, სამხრეთით და დასავლეთით, სხვადასხვა ტიპის 50-ზე მეტი რაკეტით და 50-მდე დრონით კიდევ ერთი თავდასხმა განხორციელდა. მადლობა ჩვენს ჯარისკაცებს, რომ მათი უმრავლესობა განადგურდა, მაგრამ დარტყმებიც იყო“, - განაცხადა უკრაინის პრეზიდენტმა.

ვოლოდიმირ ზელენსკიმ პარტნიორებს უკრაინისთვის Patriot-ის სისტემებისა და სხვა თანამედროვე საჰაერო თავდაცვის სისტემების გადაცემისკენ მოუწოდა.

„რუს ტერორისტებს მხოლოდ ძალის ენა ესმით და ამ ტერორიზმის შესაჩერებლად და იმისთვის, რომ ეს ნორმად არ იქცეს, ეფექტური გადაწყვეტილებების დროულად მიღებაა საჭირო. უკრაინის ცის სრული დაცვა ნორმად უნდა იქცეს, რათა კრემლში შეშლილებმა გაიგონ, რომ მათი ტერორიზმი მიზანს ვერ აღწევს. პარტნიორებმა ზუსტად იციან, რა არის ამისთვის საჭირო. დამატებით Patriot-ები და სხვა თანამედროვე საჰაერო თავდაცვის სისტემები უკრაინისთვის. უკრაინაში F-16-ების მიწოდების დაჩქარება და გაფართოება. ჩვენი ჯარისკაცების ყველა საჭირო შესაძლებლობით უზრუნველყოფა“, - აღნიშნა უკრაინის პრეზიდენტმა.

რუსული ძალების მიერ დღეს ღამით განხორციელებული მასიური თავდასხმის სამიზნეს უკრაინის ენერგეტიკული ინფრასტრუქტურა წარმოადგენდა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024