რუსთავში Oxygen Fest-ი ტრადიციულად თევზჭერის ფესტივალით გაიხსნა

რუსთავში „ოქსიგენ ფესტი" (Oxygen/Fest) გაიხსნა. ოქსიგენის საფესტივალო სივრცე, სხვადასხვა აქტივობებით დღეიდან დაიტვირთება და სტუმრებს 7 ივლისის ჩათვლით უმასპინძლებს.

ამის შესახებ ინფორმაციას რუსთავის მერია ავრცელებს.

მათივე ცნობით, Oxygen Fest-ი რომელიც რუსთავში უკვე მესამედ ტარდება, ტრადიციულად თევზჭერის ფესტივალით გაიხსნა. 1-ელი ივნისიდან 30 ივნისის ჩათვლით, რუსთავის ცენტრალურ პარკში არსებულ ტბაზე, თევზჭერის მოყვარულები ყოველ შაბათ-კვირას შეიკრიბებიან.

„ოქსიგენი“ ტრადიციულად თევზჭერის ფესტივალით გავხსენით. თევზჭერის მოყვარულებს პარკის ტერიტორიაზე ერთი თვის განმავლობაში, ყოველ შაბათ-კვირას შეეძლებათ მოსვლა და ფესტივალში ჩართვა. პარალელურად გაიმართება მუსიკალური საღამოები. ფეხბურთის გულშემატკივრებს კი შესაძლებლობა ექნებათ ევროპის ჩემპიონატის მატჩების პირდაპირ ტრანსლაციას 14 ივნისიდან დაესწრონ. 5 ივლისიდან კი Oxygen Fest-ის მთავარი, დასკვნითი მუსიკალური ნაწილი დაიწყება და 3 დღის განმავლობაში უმასპინძლებს სტუმრებს. ოქსიგენში წელს მონაწილეობას მიიღებენ, როგორც ადგილობრივი მუსიკოსები, ასევე უცხოელი შემსრულებლები და ჯგუფები“, - განაცხადა რუსთავის მერიის ახალგაზრდული დეპარტამენტის ხელმძღვანელმა ანელი ჩხარტიშვილმა.

რუსთავის მერიის ინფორმაციით, 2 ივნისიდან ოქსიგენის საფესტივალო სივრცეში სტარტს ფესტივალის მუსიკალური ნაწილიც აიღებს.

„Oxygen Fest-ის მუსიკალური სივრცე, რომელიც წელს, რუსთავის პარკში ამფითეატრისა და რუსთავის ციხის მიმდებარე ტერიტორიაზე იქნება მოწყობილი, სხვადასხვა მუსიკალურ ჯგუფებსა და ფესტივალის სტუმრებს უმასპინძლებს. 14 ივნისიდან საფესტივალო სივრცეში ფეხბურთის გულშემატკივრებს ევროპის ჩემპიონატის მატჩების ერთად ყურების შესაძლებლობა ექნებათ.

5 ივლისიდან, კი ფესტივალის მთავარი დასკვნითი მუსიკალური ნაწილი დაიწყება და 3 დღის განმავლობაში უმასპინძლებს ,,ოქსიგენ ფესტის" სტუმრებს.

„ოქსიგენი" რუსთავში პირველად 2022 წელს გაიმართა. წლევანდელი ფესტივალი განსაკუთრებული მასშტაბურობით იქნება გამორჩეული და მასში ქართული მუსიკალური ჯგუფების გარდა, მსოფლიოს სხვადასხვა ქვეყნიდან მოწვეული მუსიკოსებიც მიიღებენ მონაწილეობას“, - ნათქვამია გავრცელებულ ინფორმაციაში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024