ირაკლი ნადარეიშვილმა 150 000 - ლარიანი თანადაფინანსების გრანტების პროგრამის მეთორმეტე ეტაპის გამარჯვებული სტარტაპების დაჯილდოებაში მიიღო მონაწილეობა

დროის მცირე მონაკვეთის მიუხედავად, საქართველოში ეკოსისტემა საკმაოდ წარმატებულია. ჩვენ გვყავს სტარტაპები, რომლებიც ათეულობით მილიონის ინვესტიციას იზიდავენ საქართველოში უცხოეთიდან, ქმნიან ათასობით მაღალანაზღაურებად სამუშაო ადგილს. იმედი მაქვს, რომ 20 გამარჯვებული სტარტაპი, რომლებიც დღეს გამოვლინდნენ, წარმატებული ქართული სტარტაპების რიცხვს შეუერთდება, - განაცხადა ეკონომიკისა და მდგრადი განვითარების მინისტრის მოადგილე ირაკლი ნადარეიშვილმა, რომელმაც მონაწილეობა მიიღო ინოვაციების და ტექნოლოგიების სააგენტოს თანადაფინანსების გრანტების პროგრამის გამარჯვებულთა დაჯილდოებაში.

ეკონომიკისა და მდგრადი განვითარების სამინისტროს ინფორმაციით, დაჯილდოების ცერემონიალი ბათუმში გაიმართა.

მათი ცნობით, სააგენტომ 150 000 - ლარიანი თანადაფინანსების გრანტების პროგრამა მეთორმეტედ ჩაატარა, რომელშიც 20 სტარტაპი გამოცხადდა გამარჯვებულად. თითოეულ გამარჯვებულს 150 000 ლარის ოდენობის გრანტი გადაეცა.

გამარჯვებულები გამოავლინა საინვესტიციო კომიტეტმა, რომელიც დაკომპლექტებულია მაღალი დონის საერთაშორისო ვენჩურული ინვესტორების მიერ. აღნიშნული პროგრამის ფარგლებში ჯამურად 235 სტარტაპია დაფინანსებული.

მინისტრის მოადგილის განცხადებით, ინოვაციური სტარტაპების მხარდაჭერა საქართველოს მთავრობისა და ეკონომიკისა და მდგრადი განვითარების სამინისტროს პრიორიტეტული მიმართულებაა. მისი თქმით, 150 000 ლარიანი თანადაფინანსების გრანტების პროგრამის მიზანია საქართველოში საერთაშორისო პოტენციალის მქონე ინოვაციური პროდუქტებისა და მომსახურების შემუშავება, მათი კომერციალიზაცია და ინოვაციური საწარმოების შექმნის სტიმულირება.

„იმედი გვაქვს, რომ პროგრამის ამ ეტაპზე გამარჯვებული სტარტაპებიც შექმნიან გლობალური მასშტაბირების პოტენციალის მქონე პროექტებს და საერთაშორისო ბაზრებზე გასვლას შეძლებენ", - განაცხადა ირაკლი ნადარეიშვილმა.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი