რატი ამაღლობელი - ჩვენ არ ვიმალებით, სამი თვეა ქუჩებში, ღიად, მსოფლიოს დასანახად გამოვდივართ, ისინი იმალებიან - არ აქვთ სახე და სახელი, მათი სახელია "84"

იქით მხარეს უსახო ხალხი არიან, სახე არ აქვთ, ნიღბები აქვთ - სახელები არ აქვთ, მათი სახელია „84“ - ჩვენ არ ვიმალებით, სამი თვეა ქუჩებში ღიად, მთელი მსოფლიოს დასანახად გამოვდივართ, - ამის შესახებ პოეტმა, რატი ამაღლობელმა რესპუბლიკის მოედანზე აქცია-კონცერტზე სიტყვის გამოსვლისას განაცხადა.

ამაღლობელის თქმით, მომიტინგეებს განსაკუთრებით ახლა სჭირდებათ ერთმანეთის თანადგომა და გვერდში დგომა.

„დავინახეთ ხელოვანების, მწერლების, პოეტების, რეჟისორების საქართველო. დღეს ძალიან ბევრ მუსიკოსს, მრავალხმიან საქართველოს დავინახავთ და მოვისმენთ. მეგობრებო, იქით მხარეს უსახო ხალხი არიან, სახე არ აქვთ, ნიღბები აქვთ - სახელები არ აქვთ, მათი სახელია „84“. ჩვენს ძველ ქართულ ფრესკებზე სამოთხეს და ჯოჯოხეთს ნახავთ, სადაც სამოთხე სახელდებულად, და სადაც თითოეულ ადამიანს სახე და სახელი აქვს. ნებისმიერ ფრესკაზე, სადაც ჯოჯოხეთია წარმოდგენილი, ვერ ნახავთ სახელს და სახეს. გაუმარჯოს სახელოვან საქართველოს, ჩვენს ღია, განათებულ სახეებს, მრავალფეროვანს! და ჩვენს სახელებს - გახსნილს, გაცხადებულსა და გამჭვირვალეს - ეს არის საქართველო!

ჩვენ არ ვიმალებით, სამი თვეა ქუჩებში ღიად, მთელი მსოფლიოს დასანახად გამოვდივართ. ესენი იმალებიან, არ აქვთ სახე და სახელი. ჩვენ განსაკუთრებით ახლა გვჭირდება ერთმანეთის თანადგომა, გვერდში დგომა. ჩვენ ერთმანეთი ვიპოვეთ, გვიყვარს ერთმანეთი და ამ სიყვარულით გავიმარჯვებთ“, - განაცხადა რატი ამაღლობელმა.

ცნობისთვის, პირველი რესპუბლიკის მოედანზე, საქველმოქმედო აქცია-კონცერტი “მუსიკოსები ევროპული მომავლისთვის” მიმდინარეობს.

კონცერტის მიზანი “უცხოური გავლენის გამჭვირვალობის” შესახებ კანონის საწინააღმდეგო აქციებზე დაკავებული პირების ფინანსური დახმარებაა, კერძოდ, მათი ჯარიმებისგან გათავისუფლება.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024