მიხეილ სარჯველაძის განცხადებით, სამინისტრო აქტიურად მუშაობს, რათა ონკოლოგიური პაციენტებისთვის მედიკამენტებზე ხელმისაწვდომობა გაამარტივოს

ჯანდაცვის მინისტრის მიხეილ სარჯველაძის განცხადებით, სამინისტრო აქტიურად მუშაობს, რათა ქვეყანაში ონკოლოგიური პაციენტებისთვის მედიკამენტებზე ხელმისაწვდომობა გაამარტივოს.

როგორც მინისტრმა მთავრობის სხდომის დასრულების შემდეგ ჟურნალისტებს განუცხადა, სამინისტრო უახლოეს მომავალში კონკრეტულ გეგმებსა და ინიციატივას წარადგენს, რომელიც ქვეყანაში ონკოლოგიური პაციენტებისთვის მედიკამენტებზე იოლ ხელმისაწვდომობას გამოიწვევს.

„ონკოლოგიური პაციენტებისთვის, რომლებიც ქიმიოთერაპიის კურსს გადიან, მათთვის საჭირო მედიკამენტებზე ხელმისაწვდომობის გამარტივებისთვის, ჩვენ მუშაობა გვაქვს დაწყებული. პერმანენტულად ვახორციელებთ შეხვედრებს თვითონ პაციენტებთან, ან კლინიკებთან და იქ დადგინდა, რომ გარკვეული უხერხულობა არსებობს, ამ მიწოდების ჯაჭვის გამართულობასთან დაკავშირებით. პაციენტებს ჯერ ნებართვის აღება უწევთ, შემდეგ ქსელში მოძებნა და უკან დაბრუნება საავადმყოფოში, საკმაოდ გართულებულია პროცედურები.

ამიტომ ჩვენ ჩავთვალეთ შესაძლებლად, რომ ამ თემაზე მუშაობა დაგვეწყო, რომ იოლად ხელმისაწვდომი გამხდარიყო მკურნალობის მეთოდოლოგია. ამ კუთხით გვაქვს გარკვეული იდეები და მოსაზრებები. უახლოეს მომავალში გვექნება კონკრეტული ინიციატივები. მომდევნო 1 თვის განმავლობაში დადგინდება ახალი მეთოდოლოგია ამ თვალსაზრისით, რომლის შედეგად პაციენტს ნაკლები დროისა და ფინანსების დახარჯვა დასჭირდება, რომ მისთვის სასურველი მკურნალობა ხელმისაწვდომი გახდეს“, - განაცხადა მიხეილ სარჯველაძემ.

მისივე შეფასებით, სამინისტრო აქტიურად მუშაობს, რომ ქვეყანაში ბავშვთა ონკოლოგიური ცენტრი შეიქმნას, რომელიც ქვეყანაშივე იმავე ხარისხის სერვისს მიაწვდის, როგორი სერვისიც „ნებისმიერ განვითარებულ უცხოურ სახელმწიფოში“ არსებობს.

„რაც შეეხება ბავშვთა ონკოლოგიურ სამკურნალო ცენტრის შექმნას, ამ იდეასთან დაკავშირებით მუშაობა მიმდინარეობს. თუმცა ეს საკმაოდ კომპლექსური და რთული საკითხი გახლავთ. განიხილება რამდენიმე ვერსია. ჩვენ ვფიქრობთ, რომ გარკვეული მიმართულებით ჩვენი იდეა დამუშავებას მოითხოვს, რომ არავის სჭირდებოდეს ბავშვის უცხოეთში წაყვანა, ვისაც ამგვარი დიაგნოზი დაუდგინდება, საქართველოშიც ხელმისაწვდომი იყოს მკურნალობა იგივე ხარისხით, როგორც ხელმისაწვდომია ნებისმიერ განვითარებულ უცხოურ სახელმწიფოში“,- განაცხადა მიხეილ სარჯველაძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024