რუსი დეპუტატი „უცხოური გამჭვირვალობის შესახებ“ კანონის მიღებაზე - ქართველ პარლამენტარებს უნდა მივულოცოთ, რომ შეძლეს თავიანთი პოზიციის დაცვა, ევროპელი და ამერიკელი პოლიტიკოსების მხრიდან მუქარის მიუხედავად

“უცხოური აგენტების შესახებ” კანონზე ხელმოწერით ქართველმა პარლამენტარებმა შეძლეს დაეცვათ თავიანთი პოზიცია და გაეკეთებინათ არჩევანი საქართველოს განვითარების სასარგებლოდ, შეერთებული შტატებისა და ევროკავშირის მხრიდან მუქარის მიუხედავად, - ამის შესახებ დსთ-ს საკითხებში რუსეთის სახელმწიფო დუმის კომიტეტის თავმჯდომარის მოადგილემ არტემ ტუროვმა განაცხადა.

„საქართველოს ხელისუფლებამ მნიშვნელოვანი ნაბიჯი გადადგა სუვერენიტეტის გასაძლიერებლად, რათა განვითარდეს ზუსტად ისე, როგორც ქართველ ხალხს სურს და არა ისე, როგორც ეს დასავლური ქვეყნების რიგ პოლიტიკოსებს სურს. ჩვენ ვნახეთ რეაქცია, როცა კანონი მიიღეს, რა მუქარები იყო ევროპელი პოლიტიკოსების მხრიდან, ამერიკის შეერთებული შტატების მხრიდან, მათ შორის მუქარა სანქციების შესახებ და ეკონომიკური ზეწოლა, მაგრამ ქართველ პარლამენტარებს, ალბათ, უნდა მივულოცოთ, რომ შეძლეს ამ პოზიციის დაცვა და გააკეთეს არჩევანი თავიანთი ქვეყნის შემდგომი განვითარებისთვის“, - აღნიშნა ტუროვმა.

მისი თქმით, ქართველი პარლამენტარები მოიქცნენ, როგორც პროქართველი პოლიტიკოსები და არა როგორც, პროდასავლელი პოლიტიკოსები.

„ვიცით, რამდენი არასამთავრობო ორგანიზაცია მუშაობს საქართველოში, რამდენიმე ათეული ათასი, რომლებიც, პირველ რიგში, ფინანსდებიან, რა თქმა უნდა, დასავლეთიდან, სხვადასხვა დასავლური ფონდებიდან და, სხვა საკითხებთან ერთად, ისინი ძალიან აქტიურად ახდენენ გავლენას გადაწყვეტილების მიღებასა და საზოგადოებრივი აზრის შექმნაზე“, - აღნიშნა ტუროვმა.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
გიორგი ცუცქირიძე - ლარის კურსის ვარდნა ეკონომიკაში ფუნდამენტურ ცვლილებებს არ უკავშირდება და აჟიოტაჟის შედეგი იყო
ქართული პრესის მიმოხილვა 13.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი