საქართველოს ტექნიკური უნივერსიტეტის სტუდენტები, თბილისის წიგნის საერთაშორისო ფესტივალის ფარგლებში, ქართველ მწერლებს შეხვდნენ

საქართველოს ტექნიკურ უნივერსიტეტის სტუდენტები, თბილისის წიგნის საერთაშორისო ფესტივალის ფარგლებში, პოეტს, პროზაიკოსსა და დრამატურგს ნინო სადღობელაშვილს და მწერალსა და დრამატურგს ბასა ჯანიკაშვილს შეხვდნენ.

სტუ-ს ინფორმაციით, ღონისძიება გახსნა საქართველოს ტექნიკური უნივერსიტეტის რექტორის მოადგილემ მეცნიერების დარგში. როგორც პროფესორმა თამარ ლომინაძემ განაცხადა, საქართველოს ტექნიკური უნივერსიტეტი მეორე წელია თბილისის წიგნის საერთაშორისო ფესტივალის პარტნიორია.

“ბუნებრივია, ყველა პროფესია, მით უმეტეს, საგანმანათლებლო სისტემა წიგნისა და ცოდნის პოპულარიზაციას უნდა ცდილობდეს. საქართველოს ტექნიკურ უნივერსიტეტში, რომელიც მეორე წელია თბილისის წიგნის საერთაშორისო ფესტივალის პარტნიორია, წიგნის კითხვის პოპულარიზაციის მიზნით არაერთი ღონისძიება ტარდება, უნივერსიტეტის გამომცემლობა კი წლიურად 100-დან 120-მდე სამეცნიერო წიგნს გამოსცემს. საქართველოს ტექნიკურ უნივერსიტეტში მოქმედებს ნიკო მუსხელიშვილის საუნივერსიტეტო ბიბლიოთეკა, რომელიც ქვეყნის ერთ-ერთი უდიდესი წიგნსაცავია. ბიბლიოთეკის უნივერსალური ფონდი სასწავლო, სამეცნიერო და მხატვრული გამოცემებისგან შედგება. მათ შორისაა ისეთი უნიკალური (რარიტეტული) გამოცემები, რომელთა უმრავლესობა მხოლოდ აქ არის დაცული და უიშვიათეს ეგზემპლარებს წარმოადგენს. სასიხარულოა, რომ ბიბლიოთეკას ჰყავს ათასობით აქტიური მკითხველი. სწორედ ესაა უნივერსიტეტის ერთ-ერთი მთავარი მისია, ღონისძიების მიზანი კი არის სტუდენტებს ახლოს გააცნოს შემოქმედებითი ადამიანები, მწერლები, რომელთაც თავისი გზა გაკვალეს ქართულ ლიტერატურაში. მადლობას მოვახსენებ ნინო სადღობელაშვილს და ბასა ჯანიკაშვილს უნივერსიტეტში სტუმრობისთვის”, - განაცხადა თამარ ლომინაძემ.

სტუ-ის ინფორმაციით, შეხვედრა კითხვა-პასუხის რეჟიმში წარიმართა. ნინო სადღობელაშვილმა და ბასა ჯანიკაშვილმა სტუდენტების კითხვებს ამომწურავი პასუხები გასცეს.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024