უკრაინის საგარეო უწყება „სამშვიდობო გეგმის“ შესახებ ჩინეთის საგარეო საქმეთა მინისტრის განცხადებას გამოეხმაურა

უკრაინის საგარეო საქმეთა სამინისტრო „სამშვიდობო გეგმის“ შესახებ ჩინეთის საგარეო საქმეთა მინისტრის განცხადებას გამოეხმაურა.

უკრაინის საგარეო საქმეთა სამინისტროს განცხადებაში ნათქვამია, რომ გლობალური სამშვიდობო სამიტი მომავალ კვირას შვეიცარიაში გაიმართება, სადაც „ყველა ქვეყანამ, რომელიც მშვიდობის აღდგენისთვის გულწრფელად ისწრაფვის, მისი წარმატებისთვის ერთად უნდა იმუშაოს და ძალისხმევა სამიტისთვის ძირის გამოსათხრელად არ უნდა მიმართოს“.

„ჩინეთის სახალხო რესპუბლიკის უმაღლესი წარმომადგენლის სამიტში მონაწილეობა შეიძლება კარგი შესაძლებლობა იყოს უკრაინაში სამართლიანი და ხანგრძლივი მშვიდობის მიღწევასა და ტერიტორიული მთლიანობის აღდგენაში პრაქტიკული წვლილის შეტანისთვის“, - ნათქვამია განცხადებაში.

უკრაინის საგარეო უწყება აღნიშნავს, რომ ჩინეთი „მშვიდობისთვის მთელი ძალით ბრძოლის მზადყოფნას“ და მსოფლიოს ყველა ქვეყნის სუვერენიტეტისა და ტერიტორიული მთლიანობის მიმართ პატივისცემას „სამართლიანად აცხადებს“.

ცნობისთვის, ჩინეთის საგარეო საქმეთა მინისტრმა, ვანგ იიმ თურქ კოლეგასთან ერთად გამართულ პრესკონფერენციაზე განაცხადა, რომ ჩინეთისა და ბრაზილიის „სამშვიდობო გეგმას“ მხარს 26 ქვეყანა უჭერს და უკრაინამ და რუსეთმა ცალ-ცალკე ამ გეგმის პრინციპების „შინაარსის უმეტესი ნაწილი დაადასტურეს“.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024