საქართველოში ჩამოსული ტურისტების ჯანმრთელობისა და უბედური შემთხვევის სავალდებულო დაზღვევის 2026 წლის 1-ელ იანვრამდე გადავადება იგეგმება

საქართველოში ჩამოსულ ტურისტებს ჯანმრთელობისა და უბედური შემთხვევის დაზღვევის ქონის ვალდებულება 2026 წლის 1-ელ იანვრამდე არ ექნებათ - პარლამენტში ინიცირებულია კანონპროექტი, რომელითაც კანონის შესაბამისი ნორმა 2026 წლის 1-ელ იანვრამდე ჩერდება.

კანონპროექტი პარლამენტს “ქართული ოცნების“ დეპუტატებმა წარუდგინეს.

„ტურიზმის შესახებ“ კანონის შესაბამისად, საქართველოში შემომსვლელ ტურისტს ჯანმრთელობისა და უბედური შემთხვევის სავალდებულო დაზღვევა უნდა ჰქონდეს. აღნიშნული პირობა კი, 2024 წლის 1-ელი ივნისიდან უნდა ამოქმედებულიყო.

როგორც პროექტი ინიციატორები განმარტავენ, “საქართველოში შემომსვლელი ტურისტების ჯანმრთელობისა და უბედური შემთხვევის სავალდებულო დაზღვევის წესისა და პირობების დამტკიცების შესახებ“ დადგენილების შემუშავების პროცესში მთელი რიგი საკითხები გამოიკვეთა, რაც კანონის შესაბამისი მოთხოვნის 2026 წლის 1-ელ იანვრამდე შეჩერებას ხდის მიზანშეწონილს.

„იკვეთება, რომ კერძო სექტორი ადაპტირებისთვის დამატებით ვადებს საჭიროებს და ამ ეტაპისთვის, მოსალოდნელ ცვლილებებს ვერ ხვდება მზად.

ახალი რეგულაციების დანერგვა და ამოქმედება საჭიროებს მრავალსაფეხურიან მოსამზადებელ პროცესს - მათ შორის კერძო სექტორის, ასევე უცხო ქვეყნის საელჩოებისა და საკონსულოების სათანადო ინფორმირებას, საინფორმაციო კამპანიების წარმოებას და სხვა შესაბამისი სახის ღონისძიებების გატარებას, რაც ეფექტიანად დაეხმარება სექტორს აღნიშნულ ცვლილებებთან ადაპტირების პროცესში“, - აღნიშნულია კანონის პროექტის განმარტებით ბარათში.

გილიომ მერსიე - ევროკავშირში გაწევრიანების გზაზე დაბრუნება საქართველოს ხელისუფლების ხელშია - ევროკავშირი მზადაა განაახლოს ურთიერთობა
ქართული პრესის მიმოხილვა 10.02.2025
ანდრო გოცირიძე - საქართველო დღეს ბევრად უფრო დაუცველია, ვიდრე, მაგალითად, ათი წლის წინ იყო
ევროპის ოლიმპიური კომიტეტების პრეზიდენტი ევროპის ახალგაზრდული ოლიმპიური ფესტივალის შესახებ - ახალი სპორტული ობიექტები შესანიშნავია და უმაღლესი დონის საერთაშორისო სტანდარტებს შეესაბამება
ბრიტანულ-ქართული აკადემიისა და ბრიტანული საერთაშორისო სკოლის დირექტორი  - „საქართველოს კაპიტალი“ ბრიტანულ-ქართული აკადემიის დირექტორად არაკომპეტენტური და საეჭვო რეპუტაციის პირის დანიშვნას ცდილობს
„ამბასადორი აილენდ ბათუმს“ ზღვაში მოწყობილი 19 ჰექტარი  ტერიტორია საკუთრებაში გადაეცა