გია ვოლსკი სანქციებზე - ეს იქნება „მეგობრული ცეცხლი“

ეს იქნება „მეგობრული ცეცხლი", - ამის შესახებ პარლამენტის პირველმა ვიცე-სპიკერმა, გია ვოლსკიმ ჟურნალისტებთან საუბრისას განაცხადა.

აღნიშნულით ის აშშ-ის სახელმწიფო დეპარტამენტის სპიკერის მეთიუ მილერის განცხადებას გამოეხმაურა, რომელიც სანქციებს ეხებოდა.

ვოლსკის თქმით, თუკი ამერიკამ რაიმე ისეთი გადაწყვეტილება მიიღო, რაც რაღაც ფორმით ზღუდავს საქართველოს ხელისუფლების, მისი ეკონომიკური განვითარების სტრატეგიის შესაძლებლობებს ან სამოქალაქო საზოგადოებას, უსამართლობა იქნება, რაც დემოკრატიულ ქვეყანას და სტრატეგიულ პარტნიორს არ უნდა ახასიათებდეს.

„ეს იქნება „მეგობრული ცეცხლი“. არსებობს ასეთი ტერმინი, როდესაც ორიენტირები იკარგება, ისეთი დრამატული ვითარება ყალიბდება, როდესაც შენ შენი აგრესიით და ცეცხლით აზიანებ მეგობარს, რომელიც წლების განმავლობაში შენთან ერთად მხარდამხარ, მათ შორის საერთაშორისო მისიებში იბრძოდა“, - აღნიშნა ვოლსკიმ.

ამავე თემაზე საუბრის დროს, გია ვოლსკიმ აღნიშნა, რომ „უცხოური გავლენის გამჭვირვალობის შესახებ“ კანონის მსგავსი მიიღეს როგორც საფრანგეთში, ასევე თურქეთში, თუმცა არცერთი ამ ქვეყნის მიმართ არ აქვთ აგრესიული დამოკიდებულება, მათ შორის არც აშშ-ს.

„ეს იმაზე მეტყველებს, რომ საქართველოს დამუნათების იდეა ამ საკითხის გამო, რომელიც აბსოლუტურად ევროპულ სტანდარტს შეესაბამება, ექვემდებარება გარკვეულ სცენარს. ეს წარმოშობს კითხვებს და ჩვენი ვალია აშშ-ს, ვაშინგტონს და ყველა პარტნიორ ქვეყანას მივაწოდოთ ინფორმაცია იმის თაობაზე, რომ საზოგადოების უდიდეს ნაწილს საქართველოს უკრაინიზაცია და მეიდანის ხილვა თბილისში არ სურს და რა საკვირველია, მხარს დაუჭერს სამართლიანი მაღალი სტანდარტის არჩევნების ჩატარებას. ეს არის რეალობა, თუკი ამ რეალობას დავარღვევთ, ამ შემთხვევაში შეიძლება იქნას განხილული გარკვეული ზომების მიღება, მაგრამ არასდროს დაგვირღვევია, არც ვაპირებთ და რაც მთავარია, ჩვენ ჩვენი ქვეყნის ინტერესებიდან გამომდინარე“, - განაცხადა გია ვოლსკიმ.

ცნობისთვის, აშშ-ის სახელმწიფო დეპარტამენტის სპიკერმა მეთიუ მილერმა განაცხადა, რომ საქართველოსთან ურთიერთობების გადახედვა მოიაზრებს პოტენციურ სანქციებს, დახმარების რაოდენობას და სავიზო შეზღუდვებს გადახედვას.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024