საფრანგეთი უკრაინას Mirage 2000 ტიპის მოიერიშე თვითმფრინავებს გადასცემს და ამ თვითმფრინავებისთვის უკრაინელ პილოტებსაც თავად მოამზადებს, - ამის შესახებ ქვეყნის პრეზიდენტმა, ემანუელ მაკრონმა განაცხადა.

მისი თქმით, უკრაინელი მფრინავების მოსამზადებლად წვრთნები საფრანგეთში ჩატარდება.

„ხვალ დავიწყებთ თანამშრომლობის ახალ პროგრამას და გამოვაცხადებთ Mirage 2000 5 სერიის - ფრანგული მოიერიშე თვითმფრინავების მიწოდებას, რომელიც უკრაინას საშუალებას მისცემს, დაიცვას თავისი სახმელეთო და საჰაერო სივრცე. ხვალიდან ვიწყებთ პილოტების მომზადების პროგრამას და ამ თვითმფრინავებს წლის ბოლომდე გადავცემთ“, - აღნიშნა მაკრონმა.