Channel 4-ზე დოკუმენტური ფილმის - „საქართველო ცივილიზაციის თასი“ ჩვენება გაიმართა

საქართველოს ტურისტული მიმართულების შესახებ, პოპულარულ გადაცემაში „TREASURES OF THE WORLD“ 46 წუთიანი ფილმის ჩვენება გაიმართა.

გადაცემის წამყვანმა და ცნობილმა ისტორიკოსმა ბეთანი ჰიუზმა საქართველოში, ტურიზმის ეროვნული ადმინისტრაციის მარკეტინგული კამპანიის ფარგლებში იმოგზაურა.

მის შესახებ ინფორმაციას ტურიზმის ეროვნული ადმინისტრაცია ავრცელებს.

მათი ცნობით, საქართველოს Channel 4-ის გადამღები ჯგუფი, დიდ ბრიტანეთს საქართველოს საელჩოს მხარდაჭერით ეწვია. კამპანიის ფარგლებში, ლონდონში "Royal Geographical Society"-ში, საქართველოს ელჩმა სოფიო ქაცარავამ დოკუმენტური ფილმის - "Treasures of Georgia" ჩვენებას უმასპინძლა, რომელსაც ესწრებოდნენ მთავრობისა და პარლამენტის წევრები, დიპლომატიური კორპუსისა და ქართული დიასპორის წარმომადგენლები.

დოკუმენტურ ფილმში ვარძია, ვანის არქეოლოგიური მუზეუმი, სვანეთი, თბილისი, იუნესკოს კულტურული მემკვიდრეობის ძეგლები, არქეოლოგიური მასალები, ქვეყნის კულტურული საგანძური, ციხე-კოშკები, ტაძრები და ქართული ანბანია ნაჩვენები.

„ფილმში ბეთანი ჰიუზმა მაყურებელს გააცნო: ლეგენდა ოქროს საწმისის შესახებ, სვანური კოშკები, სვანეთის ეკლესიებში დაცული შუასაუკუნეების ხატები, ვარძიაში მდებარე თამარის ფრესკა, ხერთვისის ციხე, ძველი თბილისის არქიტექტურა და დმანისში აღმოჩენილი უძველესი არქეოლოგიური ნიმუშები.

ფილმში წარმოდგენილი იყო ქვევრი, ქართული ღვინის წარმოების 8 ათასწლოვანი ისტორია, ქართული უნიკალური მუსიკა, პოლიფონიური სიმღერები და კულინარიული ტრადიციები.

ბეთანი ჰიუზის გადაცემაში „TREASURES OF THE WORLD“ მსოფლიოს სხვადასხვა ქვეყნის ისტორია და კულტურა არის წარმოდგენილი. გადაცემათა ციკლი 2021 წლიდან მზადდება და პოპულარულია როგორც დიდ ბრიტანეთში, ისე აშშ-ში”- აღნიშნულია გავრცელებულ ინფორმაციაში.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი