„თელიანი ველი“ ამერიკის შეერთებულ შტატებში აქტივობებს აძლიერებს

ღვინის იმპორტიორი კომპანიები ამერიკაში - Georgian House of Greater Washington და Palmateer Consulting LLC „თელიანი ვინიარდს“ ამერიკის ყველა შტატში წარადგენენ

მეღვინეობა „თელიანი ველი“ ამერიკის შეერთებულ შტატებში ღვინოს 2005 წლიდან წარადგენს და ქართული ღვინის განვითარებისათვის აქტიურ მარკეტინგულ კამპანიებს ახორციელებს.

„თელიანი ველის“ სტრატეგიულ საექსპორტო ქვეყნებს შორის ამერიკის შეერთებული შტატები გამორჩეულად მნიშვნელოვანია. ამერიკულ ბაზარზე წარმოდგენილი ასორტიმენტი სპეციალურად ადგილობრივი ღვინის მომხმარებლისთვის არის შერჩეული და ხელმისაწვდომია, როგორც კლასიკური, ასევე, ქართული ტრადიციული მეთოდით ქვევრში დაყენებული ღვინო.

Georgian House of Greater Washington 2005 წლიდან მეღვინეობა „თელიანი ველის“ პარტნიორია. აშშ ღვინის ყველაზე დიდი ბაზარია, სადაც ღვინის მრავალფეროვანი არჩევანია მსოფლიოდან და მაღალი კონკურენციით გამოირჩევა. სწორედ ამიტომ, 2023 წელს თელიანი ველის ღვინის ექსპორტის გაძლიერებისათვის დამატებითი ინვესტიცია განახორციელდა და მეღვინეობას ახალი პარტნიორი Palmateer Consulting LLC დაემატა. კომპანია „პალმატეარ ვაინ გრუპთან“ გაფორმებული ხელშეკრულება შტატების ქართული ღვინით ეფექტურად მომარაგების საშუალებას იძლევა.

კალიფორნიის შტატში „თელიანი ველის“ საწყობი შეიქმნა, რომელიც გაყიდვების ზრდასა და ბაზრის სრულად დაფარვას შეუწყობს ხელს. ასევე, „თელიანი ველის“ გუნდს ამერიკაში გარი გრიგსი შეუერთდა, რომელსაც ღვინის ინდუსტრიაში მრავალწლიანი გამოცდილება აქვს. „დისტრიბუტორების შერჩევა, რომელთაც აქვთ რესურსი და შესაძებლობა შტატებში საუკეთესოდ წარადგინონ თელიანი ველის ღვინო და გაზარდონ ხელმისაწვდომობა, ეს ჩვენი ძირითადი ამოცანაა. ქართული ღვინის დიდ პოტენციალს ვხედავთ და დაწრმუნებული ვარ, თელიანი ველი იქნება ბაზრის ლიდერი, შესაბამისად მიიღწევა ჩვენი მიზნებიც. ძალიან აქტიურად ვმუშაობთ ადგილობრივ დისტრიბუტორებთან და ვახდენთ ქართული ღვინის პოპულარიზაციას“-ამბობს გარი გრიგსი, თელიანი ველის გაყიდვების ვიცე პრეზიდენტი ამერიკის შეერთებულ შტატებში.

„თელიანი ველის“ ღვინოები ამერიკაში განახლებული შეფუთვითა და დასახელებით Teliani Vineyards -ით არის წარმოდგენილი. ეტიკეტზე ცვლილება ადგილობრივი ექსპერტებთან კონსულტაციით მოხდა, ხოლო ვიზუალის განახლებაზე ამერიკულმა და ქართულმა სააგენტოებმა იმუშავეს.

Teliani Vineyards-ის სახელით ბაზარზე 5 სახეობის ქართული ღვინოა: ამბერ ბლენდი, საფერავი, ცოლიკოური, ქინძმარაული და საფერავი სელექშენი.

აღნიშნული სიახლეების გათვალისწინებით მეღვინეობა 2024 წელს გაყიდვების გაორმაგებას გეგმავს. მეღვინეობა „თელიანი ველი“ აქტიური მარკეტინგული კამპანიებით ქართული ღვინის პოპულარიზაციას და განვითარებას უწყობს ხელს.

(R)

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024