ალუდა ღუდუშაური - ტურბულენტურ ზონაში ვცდილობთ, თავი დავიცვათ და იმის ნაცვლად, პარტნიორები დაგვეხმარონ და გვითხრან, სად ხედავენ პრობლემას, გველაპარაკებიან სანქციების ენით - გვითხარით თქვე დალოცვილებო, რა არის ისეთი, რაც არ მოგწონთ

ტურბულენტურ ზონაში ვცდილობთ, თავი დავიცვათ და იმის ნაცვლად, რომ პარტნიორები დაგვეხმარონ და გვითხრან, სად ხედავენ პრობლემას, გველაპარაკებიან სანქციების ენით , - ამის შესახებ უმრავლესობის დეპუტატმა ალუდა ღუდუშაურმა განაცხადა.

როგორც მან „პალიტრანიუსის“ გადაცემაში „360 გრადუსი“ აღნიშნა, რუსეთის აგრესიულ ბუნებას საქართველო სისხლით უპირისპირდება.

„რუსეთი არის ამ ქვეყნის ოკუპანტი, ჩვენ არაერთხელ ვიბრძოლეთ. ასეთია ჩვენი ცხოვრება და იმათი აგრესიული ბუნება, ისინი ჩვენი ტერიტორიების ოკუპირებისკენ ისწრაფვიან და ჩვენ ამას სისხლით ვუპირისპირდებით. როდესაც ცენტრალური მაგისტრალიდან, რამდენიმე ასეულ მეტრში დგას აგრესორის ტანკები - ჩვენ ამ ტურბულენტურ ზონაში ვცდილობთ, რომ ჩვენი თავი დავიცვათ და იმის ნაცვლად, რომ საერთაშორისო პარტნიორები დაგვეხმარონ და გვითხრან, სად ხედავენ პრობლემას, გველაპარაკებიან სანქციების ენით“, - განაცხადა ალუდა ღუდუშაურმა.

ალუდა ღუდუშაურის განცხადებით, სანქცია არაპარტნიორული დამოკიდებულებაა და ეს არის ვითარება, როდესაც ამბობ, რომ „მე შენ უბრალოდ რაღაცას გიკრძალავ".

„მთავარი არის ჩვენთვის ის, რომ პარტნიორები ხომ ვართ, მეგობრებიც ხომ ვართ? ნამდვილად ხომ ასეა? გვითხარით თქვე დალოცვილებო, რა არის ისეთი, რაც არ მოგწონთ. ჩვენ ხომ გვაქვს უფლება, რომ დავსვათ კითხვა, სად არის პრობლემა? გვითხარით და ჩვენ პრობლემას მოვხსნით. თუ გვეტყვიან იმას, რომ კითხვები დავსვათ, თუ გვეტყვიან, რომ არის არა საღამო, არამედ დილა და ეს უნდა მივიღოთ ჭეშმარიტებად, გვითხრან და თუ ამას დაეთანხმება ქართველი ხალხის აბსოლუტური უმრავლესობა, ჩვენ ვიტყვით, რომ კი ბატონო, ასე დავაწესოთ", - განაცხადა ალუდა ღუდუშაურმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024