ანა ბუჩუკური - „ოცნებას“ ვურჩევდი, შეეშვას საერთაშორისო პოლიტიკის ექსპერტობანას თამაშს - ევროპული პოლიტიკა და კონფიგურაცია არ შეცვლილა

„ოცნებას“ ვურჩევდი, შეეშვას საერთაშორისო პოლიტიკის ექსპერტობანას თამაშს - ევროპული პოლიტიკა და კონფიგურაცია არ შეცვლილა, - ამის შესახებ „გახარია საქართველოსთვის“ დეპუტატმა, ანა ბუჩუკურმა ევროპარლამენტის არჩევნების შედეგებზე საუბრისას განაცხადა.

მისი თქმით, საბოლოო ჯამში, „ქართულ ოცნებას“ კვლავ „გლობალური ომის პარტიასთან“ მოუწევს ურთიერთობა.

„საბოლოო ჯამში, ევროპარლამენტის პოლიტიკა და კონფიგურაცია არ შეცვლილა. ევროპული პოლიტიკა კვლავ ისეთი დარჩა როგორიც არის. ძალიან მეცინება ხოლმე... „ოცნებას“ ახლა მთავარი საერთაშორისო ანალიტიკოსი ზარქუა ჰყავს, ხომ? ძალიან ღიმილისმომგვრელია. "ოცნებას" ვურჩევდი, რომ შეეშვას საერთაშორისო პოლიტიკის ექსპერტობანას თამაშს. ევროპული პოლიტიკა არ შეცვლილა, კონფიგურაცია იგივეა. EPP ["ევროპის სახალხო პარტია“] კვლავ არის ყველაზე დიდი ზომის პარტია, სოცდეკები [სოციალისტებისა“ და „დემოკრატების“ (S&D)ბლოკი] კვლავ მეორე ადგილზე არიან. ფაქტობრივად, შეგვიძლია ვთქვათ, რომ ორბანის პარტიამ წააგო. საბოლოო ჯამში, "ქართულ ოცნებას" კვლავ "გლობალური ომის პარტიასთან" მოუწევს ურთიერთობა," - განაცხადა ბუჩუკურმა.

ცნობისთვის, ევროპარლამენტის არჩევნების ბოლო საპროგნოზო მონაცემების მიხედვით, მემარჯვენე-ცენტრისტულმა „ევროპის სახალხო პარტიამ“ (EPP) ევროპარლამენტში 184 ადგილი მოიპოვა. მედიის ინფორმაციით, მეორე ადგილზეა „სოციალისტებისა“ და „დემოკრატების“ (S&D) ბლოკი 139 მანდატით. ლიბერალურმა „ევროპულმა განახლებამ“ 22 ადგილი დაკარგა, „მწვანეებმა“ კი 20 და არჩევნებში 80 და 52 მანდატი მოიპოვეს. მემარჯვენე და ულტრამემარჯვენე ჯგუფები „ევროპელი კონსერვატორები და რეფორმისტები“ (ECR) და “იდენტობა და დემოკრატია” (ID) - 73 და 58 მანდატი. ჯერჯერობით უცნობია, რომელ ჯგუფს დაუჭერს მხარს 95 დამოუკიდებელი ევროპარლამენტარი.

პეტრას აუსტრევიჩუსი - გზა, რომელსაც „ქართული ოცნება“ ადგას, აბსოლუტურად რუსული, აღმოსავლური გზაა
ქართული პრესის მიმოხილვა 06.02.2025
გიორგი ანთაძე - მინიმალური დემოკრატიული სტანდარტებიც კი საფრთხეშია
კახა ოქრიაშვილი „ოცნებას“ - თქვენს კოლექტიურ შიზოფრენიას უნდა გადააყოლოთ ქვეყანა? - შემოდგომაზე არჩევნები გარდაუვალია!
GM PHARMA-ში ახალი მედიკამენტების კვლევა-განვითარება აქტიურად გრძელდება
თბილისის საერთაშორისო სტანდარტის ყინულის არენაზე, "ბაკურიანი 2025"-ის ფარგლებში, ყინულის ჰოკეიში მოასპარეზე გოგონათა გუნდების ოფიციალური ვარჯიში გაიმართა