საფრანგეთის ოპოზიციურმა მემარცხენე პარტიებმა პირობა დადეს, რომ ვადამდელი საპარლამენტო არჩევნებისთვის ითანამშრომლებენ და საერთო კანდიდატებს წარადგენენ

საფრანგეთის ოპოზიციურმა მემარცხენე პარტიებმა პირობა დადეს, რომ ვადამდელ საპარლამენტო არჩევნებისთვის ითანამშრომლებენ და საერთო კანდიდატებს წარადგენენ.

საფრანგეთის ოპოზიციური მემარცხენე პარტიების ერთობლივ განცხადებაში ნათქვამია, რომ თანამშრომლობის მიზანს მთავრობისთვის და მარინ ლე პენის ულტრამემარჯვენეებისთვის წინააღმდეგობის გაწევა წარმოადგენს.

„ისტორიაში არის მომენტები, რომელთა გამოტოვებაც არ შეიძლება. აუცილებელია მოქმედება, ელექტროშოკი და პირველი ნაბიჯი ეს გაერთიანება იქნება“, - განაცხადა „მწვანეთა“ ლიდერმა, იანიკ ჟადომ.

მემარცხენე პარტიებმა თავიანთი კანდიდატები მიმდინარე კვირის ბოლომდე უნდა დაასახელონ, თუმცა მათ შეთანხმება ჯერჯერობით არ მიუღწევიათ.

შეგახსენებთ, საფრანგეთის პრეზიდენტმა, ემანუელ მაკრონმა პარლამენტი დაითხოვა და ვადამდელი საპარლამენტო არჩევნები დანიშნა. მაკრონმა ეს გადაწყვეტილება მას შემდეგ მიიღო, რაც ევროპარლამენტის არჩევნებში მარინ ლე პენის ულტრამემარჯვენე პარტიამ მაკრონის ცენტრისტული ალიანსი დაამარცხა. საფრანგეთის პარლამენტის ქვედა პალატის არჩევნები 30 ივნისს, მეორე ტური კი 7 ივლისს ჩატარდება.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
მირიან მირიანაშვილი - ხელისუფლების პოლიტიკურ ელიტას პოლიტიკური კომპასი აერია და შეუქცევადად მცდარი დასკვნების სამყაროში შევიდა
ქართული პრესის მიმოხილვა 10.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი