Visa საქართველოში ZEG ფესტივალის პარტნიორი და ციფრული შემოქმედების მხარდამჭერია

Visa, ციფრული გადახდების მსოფლიო ლიდერი, მეორე წელია ZEG - ამბის თხრობის ფესტივალის მხარდამჭერია. წელს, Visa-მ გამოაცხადა კონკურსი – „მომავლის კადრები“, რომლის გამარჯვებული და მენტორები, ZEG-ის ფართო აუდიტორიას კონკურსში მონაწილეობის გამოცდილებას გაუზიარებენ და კრეატორების ეკონომიკურად გაძლიერების მნიშვნელობაზე ისაუბრებენ. ამის შესახებ ინფორმაციას Visa ავრცელებს.

კონკურსის ფარგლებში, დამწყებ კონტენტ კრეატორებს საშუალება ექნებათ, შეისწავლონ იდეების სწორი ფორმულირება, კონტენტის შექმნა-დამუშავებისა და გაზიარების პრინციპები. წინასწარ შერჩეული, დამოუკიდებელი ჟიური ოთხ საუკეთესო მონაწილეს გამოავლენს, რომლებიც ოთხ სხვადასხვა დავალებას შეასრულებენ ციფრული უნარების გასაძლიერებლად. ფინალისტები, ჟიურის წევრების მენტორობით, შექმნილ ნამუშევრებს, სოციალური მედიის პლატფორმებზე გამოაქვეყნებენ, რათა გაზარდონ თავიანთი ცნობადობა ციფრულ სამყაროში.

„Visa-ში გვჯერა კრეატიულობის ძალის, რომელიც შთააგონებს პოზიტიურ ცვლილებებს და აძლიერებს ინოვაციებს. ZEG ფესტივალთან ჩვენი პარტნიორობაც საქართველოში ამბის თხრობის განვითარებასა და მასში ინოვაციური ელემენტების ინტეგრაციას ისახავს მიზნად. ტექნოლოგიების განვითარებასთან ერთად, კონტენტ კრეატორები განსაზღვრავენ ამბის თხრობის მომავალს ციფრულ სამყაროში. Visa აქტიურად განაგრძობს საქართველოში ნიჭიერი ახალგაზრდებისა და შემოქმედებითი ადამიანების აღმოჩენას და მათ მხარდაჭერას, ჩვენი კონკურსიც სწორედ ამის დასტურია“ , - აღნიშნა დიანა კიღურაძემ, Visa-ს რეგიონულმა მენეჯერმა კავკასიის რეგიონში.

კონკურსის მიზანი დამწყები კონტენტ კრეატორებისთვის განვითარების შესაძლებლობის შექმნა და მცირე და საშუალო ბიზნესის მხარდაჭერაა. Visa, პარტნიორებთან ერთად, ეხმარება კრეატიულ ახალგაზრდებს ციფრული საკომუნიკაციო არხების პოტენციალის სრულ ათვისებაში, ხელს უწყობს მათ წინსვლას და ავითარებს უფრო დინამიკურ და ინკლუზიურ საზოგადოებას.

კონკურსის შესახებ დეტალური ინფორმაციისთვის ეწვიეთ ბმულს

ინფორმაციისთვის, Visa (NYSE: V) მსოფლიო ლიდერი ციფრული გადახდების სფეროში. Visa 200-ზე მეტ ქვეყანაში ამუშავებს ტრანზაქციებს, კერძოდ მომხმარებლებს, ბიზნესს, ფინანსურ ინსტიტუტებსა და სამთავრობო ორგანიზაციებს შორის. ჩვენი მისიაა, დავაკავშიროთ მსოფლიო ინოვაციური,მოსახერხებელი, საიმედო და უსაფრთხო გადახდების ქსელის მეშვეობით, რომელიც ინდივიდუალური პირების, ბიზნესისა და ეკონომიკის კეთილდღეობას უწყობს ხელს. ჩვენ გვჯერა, რომ ეკონომიკაში ხელმისაწვდომობის გაფართოება ყველასთვის, ქმნის საფუძველს მთელს მსოფლიოში ადამიანთა კეთილდღეობისთვის და მომავალში ფულის გლობალური მოძრაობის საწინდარია. გაიგეთ მეტი ვებგვერდზე visa.com.ge

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?