ნორვეგიის საგარეო საქმეთა სამინისტროს ინფორმაციით, უკრაინას საჰაერო თავდაცვის ზომებისთვის 240 მილიონი ევროს გამოუყოფენ.

„ნორვეგია უკრაინის საჰაერო თავდაცვის აქტივობებისთვის 240 მილიონ ევროს გამოყოფს. გერმანიამ დღეს დაადასტურა, რომ დააფინანსებს Patriot-ის სისტემის ხელახალ შესყიდვას ნორვეგიასთან, დანიათან და ნიდერლანდებთან ერთად, რათა Patriot-ის 100 რაკეტა სწრაფად გაიგზავნოს უკრაინაში. ნორვეგია ამ თანამშრომლობისთვის 125 მილიონ ევროს გამოყოფს“, - აღნიშნულია ნორვეგიის საგარეო უწყების განცხადებაში.

შეგასენებთ, გუშინ, გერმანიის თავდაცვის მინისტრმა, ბორის პისტორიუსმა უკრაინის პრეზიდენტ ვოლოდიმირ ზელენსკისთან ერთობლივ პრესკონფერენციაზე განაცხადა, რომ გერმანია და მისი მოკავშირეები უკრაინას Patriot-ის საჰაერო თავდაცვის სისტემისთვის კიდევ 68 რაკეტას გადასცემენ.