ჯაფარიძეც იმ გუნდის წევრი იყო. ყველა წამოსულია „ნაციონალური მოძრაობიდან“, ამ გუნდის წევრები არიან თავისი შინაარსით, მსოფლმხედველობით - რაც არ უნდა სახელები შეიცვალონ, ყველას კარგად ახსოვს, რას წარმოადგენენ ეს რადიკალები“, - ამის შესახებ თბილისის მერმა, კახა კალაძემ ზურა გირჩი ჯაფარიძის განცხადებასთან დაკავშირებით განაცხადა, რომელის თქმითაც, ერთობის შემთხვევაში „ნაციონალურ მოძრაობას“ კვალიფიციური სუბიექტის სტატუსი არ ექნება და უარს იტყვის ძალოვან სტრუქტურებში იყვნენ მისი პარტიის წევრები.

კალაძის თქმით, „ნაციონალური მოძრაობის“ ხელისუფლებაში ყოფნა არის დიდი საფრთხის შემცვლელი ქვეყნისთვის და მოსახლეობისთვისაც.

„ნაციონალური მოძრაობა“ არის პოლიტიკური პარტია, რომელიც შედგება კონკრეტული ადამიანებისგან. ეს ადამიანები წარმოადგენენ სხვადასხვა პოლიტიკურ პარტიებს, არიან ჩვეულებრივი რადიკალები, რა თქმა უნდა, ამ ადამიანების ხელისუფლებაში ყოფნა არის დიდი საფრთხის შემცვლელი ჩვენი ქვეყნისთვის, პირველ რიგში, მოსახლეობისთვის, რადგან ის ძალადობა და სისხლიანი რეჟიმი ხალხს არ დავიწყებია. შეიძლება ბევრ ახალგაზრდას არ ახსოვს, როგორი მმართველობა იყო, როდესაც „ნაციონალური მოძრაობა“ და ის ადამიანები იყვნენ ხელისუფლებაში, რომლებიც დღეს სხვადასხვა პოლიტიკურ პარტიებს წარმოადგენენ, მაგრამ ჩვენი ქვეყნის მოსახლეობას ეს ყველაფერი ძალიან კარგად ახსოვს. „ნაციონალური მოძრაობა“ მარტო ხელისუფლების სახელი კი არ იყო, კონკრეტული ადამიანები ჩადიოდნენ, გვარამია, უგულავა, ყველა, იგივე ხაზარაძეს თავისი როლი ჰქონდა იმ უბედურებაში, რაც ქვეყანაში ხდებოდა.

სხვათა შორის, ჯაფარიძეც იმ გუნდის წევრი იყო. ეს პოლიტიკური დაჯგუფება ყველა წამოსულია „ნაციონალური მოძრაობიდან“ , ამ გუნდის წევრები აირან თავისი შინაარსით, მსოფლმხედველობით. რაც არ უნდა სახელები შეიცვალონ, ყველას კარგად ახსოვს, რას წარმოადგენენ ეს რადიკალები“, - განაცხადა კალაძემ.