ვალერიან გუნიას სახელმწიფო თეატრალურ ხელოვანთა ახალგაზრდულმა კავშირმა კანონპროექტზე „ხელოვანის სტატუსის შესახებ“ მუშაობა დაასრულა და განსახილველად პარლამენტს გადაეცა

ვალერიან გუნიას სახელმწიფო თეატრალურ ხელოვანთა ახალგაზრდულმა კავშირმა კანონპროექტზე „ხელოვანის სტატუსის შესახებ“ მუშაობა დაასრულა.

საკანონმდებლო ინიციატივა განსახილველად საქართველოს პარლამენტს გადაეცა.

ვალერიან გუნიას სახელმწიფო თეატრალურ ხელოვანთა ახალგაზრდული კავშირის ცნობით, პროექტი ნორვეგიის სამეფოს დაფინანსებული UNESCO-Aschberg-ის პროგრამის მხარდაჭერით განხორციელდა და ხელოვანთა სტატუსის დაცვის შესახებ იუნესკოს 1980 წლის რეკომენდაციას ეფუძნებოდა.

„რეკომენდაცია მოიცავდა რვა მიმართულებას: სამართლებრივი და მარეგულირებელი ჩარჩო, სამართლიანი ანაზღაურება და ფინანსებზე ხელმისაწვდომობა, სოციალური და ეკონომიკური უფლებები, ციფრული გარემო, შეღავათიანი მკურნალობა, შემოქმედებითი თავისუფლება, თანასწორობა, ჩართულობა და მრავალფეროვნება, პასუხები კოვიდ 19-ის გამოწვევებზე.

საკანონმდებლო პროექტზე მუშაობის მიზანი გახლდათ ხელოვანთა წინაშე არსებულ გამოწვევებთან გამკლავება, ზემოხსენებულ მიმართულებების გათვალისწინებით, რაც გულისხმობდა მათ საჭიროებებსა და შესაძლებლობებზე მორგებული საკანონმდებლო პაკეტის მომზადებას და საქართველოს პარლამენტისათვის განსახილველად შეთავაზებას.

პროექტის ფარგლებში სხვადასხვა ეტაპზე განხორციელდა ე.წ. სამაგიდო და საველე კვლევები, მათ შორის: კულტურის სფეროს საერთაშორისო ( ევროკავშირის და კორეის რესპუბლიკის) და ეროვნული კანონმდებლობების განხილვა; ჩაღრმავებული ინტერვიუები; ფოკუს ჯგუფები; დისკუსიები; სამუშაო შეხვედრები საკანონმდებლო და აღმასრულებელ ორგანოებში.

კვლევებში მონაწილეობა მიიღეს სხვადასხვა დარგის, როგორც სსიპ-ების წარმომადგენლებმა, ისე „ფრილანსერებმა“.

საკანონმდებლო ინიციატივის ხილვა შესაძლებელია მითითებულ ბმულებზე“,- ნათქვამია ინფორმაციაში.

https://www.facebook.com/profile.php?id=61554639728448

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის