რომის პაპი, „დიდი შვიდეულის“ სამიტის ფარგლებში, ვოლოდიმირ ზელენსკისა და ჯო ბაიდენს შეხვდება
რომის პაპი, „დიდი შვიდეულის“ სამიტის ფარგლებში, ვოლოდიმირ ზელენსკისა და ჯო ბაიდენს შეხვდება.
ამის შესახებ ინფორმაციას ვატიკანი ავრცელებს.
ვატიკანის ცნობით, რომის პაპი ფრანცისკე, უკრაინისა და აშშ-ის პრეზიდენტების გარდა, ემანუელ მაკრონს, ნარენდრა მოდის, ლუის ინასიო ლულა და სილვას, ჯასტინ ტრუდოსა და რეჯეფ თაიფ ერდოღანს შეხვდება.
პარასკევს, რომის პაპი ახალი ტექნოლოგიების შესახებ გასამართ მოლაპარაკებებში მიიღებს მონაწილეობას. იგი პირველი პაპია, რომელიც „დიდი შვიდეულის“ სამიტის დისკუსიებს დაესწრება.
