მედია - პოლონეთი მის ტერიტორიაზე განლაგებული Patriot-ის სისტემის უკრაინისთვის გადაცემის წინააღმდეგია

პოლონეთი მის ტერიტორიაზე მდებარე ამერიკული Patriot-ის სისტემის უკრაინისთვის გადაცემას არ ეთანხმება, - უკრაინული მედიის ინფორმაციით, ამის შესახებ პოლონეთის თავდაცვის მინისტრის მოადგილე, მოადგილე, ცეზარი ტომჩიკი სოციალურ ქსელ X-ში წერს.

„პოლონეთი არ დათანხმდა პოლონური ბატარეის გადაცემას, პოლონური Patriot-ები იცავენ პოლონეთის ცას და ეს არ შეიცვლება“, - წერს ტომჩიკი.

თავის მხრივ, პოლონეთის ეროვნული უსაფრთხოების ბიუროს ხელმძღვანელმა, იაცეკ სივერამ განაცხადა, რომ პოლონეთში განლაგებული ამერიკული Patriot-ის დანადგარები უკრაინას არ უნდა გადაეცეს. მისი თქმით, ამ თემასთან დაკავშირებით ამერიკელ კოლეგა ჯეიკ სალივანთან საუბარს გეგმავს, რადგან მედიაში გავრცელებული ინფორმაცია შემაშფოთებელია.

„ჩვენ ვართ ქვეყანა, რომლის გავლითაც იგზავნება სამხედრო დახმარების უმეტესი ნაწილი, სადაც ბოლო ორი წლის განმავლობაში ფრთოსანი რაკეტით სამჯერ დაირღვა საჰაერო სივრცე, რამაც ორი მოქალაქის სიცოცხლე შეიწირა, ქვეყანა, რომელსაც გადამწვეტი მნიშვნელობა აქვს არა მხოლოდ უკრაინის მომარაგებისთვის, არამედ აღმოსავლეთ ფლანგზე მთელი შეკავების სისტემისთვის და შესაძლო თავდაცვის მომზადებისთვის“, - აღნიშნა იაცეკ სივერამ.

შეგახსენებთ, გუშინ, The New York Times-მა გაავრცელა ინფორმაცია, რომ შეერთებული შტატები, სავარაუდოდ, პოლონეთში დისლოცირებული ამერიკული Patriot-ის სისტემის უკრაინაში გაგზავნას გეგმავს.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია