საქართველოს ბიზნეს ასოციაციაში საპენსიო სააგენტოში წარსადგენ დეკლარაციებთან დაკავშირებულ სიახლეებსა და ჯარიმების ადმინისტრირების პროცესზე იმსჯელეს

საპენსიო სააგენტოს წარმომადგენლებმა, საქართველოს ბიზნეს ასოციაციის წევრ კომპანიებს საპენსიო შენატანების ადმინისტრირების ნაწილსა და შესაძლო საჯარიმო სანქციებზე დეტალური ინფორმაცია მიაწოდეს.

ამის შესახებ ინფორმაციას საქართველოს ბიზნეს ასოციაცია ავრცელებს.

მათი ცნობით, შეხვედრისას საპენსიო სააგენტოს დირექტორის მოვალეობის შემსრულებელმა გიორგი ჭიჭინაძემ, საპენსიო შენატანის დეკლარირების ვადის ცვლილებასთან დაკავშირებით მოქმედ კანონმდებლობაში მომზადებული კანონპროექტი წარადგინა, რომელიც საქართველოს ბიზნეს ასოციაციასთან აქტიური კომუნიკაციისა და კონსულტაციების საფუძველზე დაინიცირდა.

ასევე, განიხილეს მონიტორინგის სისტემა, დარღვევის დაფიქსირების შემთხვევაში დადგენილი საშეღავათო ვადები და საურავის დაკისრების გამომწვევი მიზეზები.

მათივე ცნობით, შეხვედრა დისკუსიისა და კითხვა-პასუხის რეჟიმში წარიმართა, სადაც საქართველოს ბიზნეს ასოციაციის წევრი კომპანიების წარმომადგენლებს შესაძლებელო ჰქონდათ, უშუალოდ სააგენტოს ხელმძღვანელი პირებისაგან მათთვის მნიშვნელოვან და აქტუალურ საკითხებზე მიეღოთ ინფორმაცია.

„აღსანიშნავია, რომ საპენსიო სააგენტოსთან გარკვეული დროის განმავლობაში გვქონდა საკმაოდ აქტიური კომუნიკაცია, იმ პრობლემატურ საკითხებზე, რომელიც ჩვენი წევრი კომპანიების მხრიდან იკვეთებოდა. აღნიშნულს, სააგენტოს მხრიდან მოჰყვა სწრაფი რეაგირება და მოხდა შესაბამისი ცვლილებების ინიცირება კანონმდებლობაში, რისთვისაც მადლობას ვუხდით ეკონომიკისა და მდგრადი განვითარების სამინისტროსა და სააგენტოს ხელმძღვანელობას. დღევანდელ შეხვედრაზე კი განვიხილეთ საპენსიო შენატანების, როგორც დეკლარირების, ისე გადახდების ნაწილის ადმინისტრირების პროცესი და ამ პროცესებთან უშუალოდ დაკავშირებული საკითხები, რაც ძალიან მნიშვნელოვანია ბიზნეს სექტორის ეფექტიანი საქმიანობისთვის. ვფიქრობ, რომ დღევანდელ შეხვედრაზე გაჟღერდა უმნიშვნელოვანესი ცვლილებები, რომელიც გაამარტივებს საპენსიო შენატანების ადმინისტრირებას, ხოლო კომპანიებში გაამარტივებს აღრიცხვიანობას. თუმცა წარმოდგენილი ცვლილებების განხორციელებას სჭირდება სამთავრობო სტრუქტურების აქტიური კომუნიკაცია ბიზნესთან, რადგანაც ზუსტად მოხდეს ყველა იმ ტექნიკური საკითხის ასახვა, რომელსაც ბიზნესი ყოველდღიური ოპერირების დროს აფიქსირებს“, - განაცხადა საქართველოს ბიზნეს ასოციაციის აღმასრულებელმა დირექტორმა, ლევან ვეფხვაძემ.

გიორგი ანთაძე - თუ ასე გაგრძელდა, დასავლეთთან ურთიერთობების აღდგენას და სათანადო რელსებზე დაბრუნებას დიდი დრო შეიძლება დასჭირდეს, ან კიდევ სულაც წარმოუდგენლად გართულდეს
ქართული პრესის მიმოხილვა 15.07.2024
რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია