კახა ლაბუჩიძე თბილისის საპატიო მოქალაქის წოდების მქონე პირებზე მემორიალური დაფის განთავსების მოთხოვნის წესში ცვლილებას ეხმაურება

დედაქალაქის საკრებულოს განათლებისა და კულტურის კომისიის თავმჯდომარე კახა ლაბუჩიძე თბილისის საკრებულოს სხდომაზე „ქალაქ თბილისის მუნიციპალიტეტის ადმინისტრაციულ საზღვრებში არქიტექტურულ-მხატვრული კომპოზიციის განთავსების/აღდგენის/რესტავრაციის/რეკონსტრუქციის და მემორიალური დაფის განთავსების წესის დამტკიცების თაობაზე“ ქალაქ თბილისის მუნიციპალიტეტის საკრებულოს 2020 წლის 18 თებერვლის №53-33 დადგენილებაში ცვლილების შეტანის შესახებ” პროექტის განხილვას გამოეხმაურა.

როგორც ლაბუჩიძემ განაცხადა, წარმოდგენილი ცვლილება მნიშვნელოვანია და მისი მიზანია, თბილისის საპატიო მოქალაქის წოდების მქონე პირებთან დაკავშირებით, საგამონაკლისო წესით მემორიალური დაფის განთავსების მიზანშეწონილობის განხილვა შესაძლებელი გახდეს მათი გარდაცვალებისთანავე.

,,ეს განპირობებულია თბილისის საპატიო მოქალაქის წოდების მნიშვნელობით, რადგან ეს წოდება ენიჭებათ მათ თბილისის წინაშე გაწეული განსაკუთრებული დამსახურებისთვის, ქვეყნის აღმშენებლობის საქმეში ხანგრძლივი და უმწიკვლო სამსახურისა და მაღალი პროფესიული ოსტატობისთვის’’, - განაცხადა საკრებულოს წევრმა.

აღნიშნული ცვლილება შესაძლებლობას მისცემს ნებისმიერ დაინტერესებულ პირს განცხადებით მიმართოს შესაბამის ადმინისტრაციულ ორგანოს თბილისის საპატიო მოქალაქის წოდების მქონე პირებზე მემორიალური დაფის განთავსების მოთხოვნით.

გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო