თბილისის მერი - წყნეთის გზატკეცილზე სარეაბილიტაციო არეალში ტაქსების შეშვება დაშვებულია, გარდა ამისა, 5 000-მდე საშვია დაშვებული მათზე, ვისაც ავტომობილი ჰყავს

სარეაბილიტაციო არეალში ტაქსების შეშვება დაშვებულია, გარდა ამისა, 5000-ამდე საშვი დაშვებულია მათზე, ვისაც ავტომობილი ჰყავს. საოცარი იყო, რომ გავიგე, 5000 ავტომობილზე იყო საშვი გაცემული, - ამის შესახებ დედაქალაქის მერმა, კახა კალაძემ განაცხადა, რომელიც ვაკის რაიონში წყნეთის გზატკეცილის რეაბილიტაციის სამუშაოებს მოადგილე ირაკლი ბენდელიანთან ერთად გაეცნო.

თბილისის მერის ინფორმაციით, პირველ ეტაპზე, სარეაბილიტაციო არეალში სრულად განახლდება დაზიანებული მიწისქვეშა კომუნიკაციები.

„წყნეთის გზატკეცილზე სარეაბილიტაციო სამუშაოები დავიწყეთ. კონკრეტულად, ეს არის ბაგების არეალი, რომელიც ძალიან მძიმე მდგომარეობაში იყო იმ თვალსაზრისით, რომ ყოველთვის პრობლემა იყო მიწისქვეშა კომუნიკაციები, „ჯორჯიან უოთერ ენდ ფაუერის“ ქსელები, ასევე პრობლემას წარმოადგენდა ტროტუარების არარსებობა, საპარკინგე სივრცეები. ძალიან ქაოსურად იყო ეს ყველაფერი და გვინდა, რომ მოვაწესრიგოთ.

პირველ რიგში, სრულად განახლდება კომუნიკაციები, ასევე, მოწესრიგდება საგზაო ინფრასტრუქტურა, განთავსდება მიწისქვეშა ურნები, მოეწყობა ტროტუარები და განათების ახალი სისტემა; ტერიტორია გამწვანდება და საბოლოოდ ძალიან ლამაზი გამოვა. პროექტი ოქტომბრის დასაწყისში უკვე დასრულებული იქნება“, - განაცხადა თბილისის მერმა.

როგორც კახა კალაძემ აღნიშნა, სარეაბილიტაციო არეალში ტაქსების შეშვება დაშვებულია, ადგილობრივი მოსახლეობისთვის კი ავტომობილების საშვები უკვე გაცემულია.

„ტაქსების შემოსვლა შესაძლებელი იქნება. გზა ჩაკეტილია, რადგან ვიწროა. სამუშაოების უსაფრთხოებიდან გამომდინარე მივიღეთ ეს გადაწყვეტილება, რომ ამ ფორმით ვიმუშაოთ იმისთვის, რომ დროულად დასრულდეს სამუშაოები. ავტობუსი ფიზიკურად ვერ ივლის ამ მონაკვეთზე სამუშაოების მასშტაბიდან გამომდინარე. სივრცე არ არსებობს იმისთვის, რომ ავტობუსმა გაიაროს. პირველ რიგში, უსაფრთხოება არის ჩვენთვის მნიშვნელოვანი, ძალიან ბევრი ადამიანი გადაჰყავს საზოგადოებრივ ტრანსპორტს და ავტობუსის შეშვება ამ მონაკვეთზე კატეგორიულად არ შეიძლება“, - განაცხადა კახა კალაძემ.

დედაქალაქის მერიის ცნობით, სამუშაოები წყნეთის გზატკეცილის N6-დან ახალ საავტომობილო ხიდამდე ხორციელდება. აღნიშნულ მონაკვეთში საავტომობილო მოძრაობა ორმხრივად შეიზღუდა. გადაადგილების შესაძლებლობა აქვს მხოლოდ რეაბილიტაციის არეალში მცხოვრებ ადგილობრივ მოსახლეობას, რომელსაც სპეციალური საშვები გადაეცა.

„ავტომობილის საშვის მისაღებად ადგილობრივმა მოსახლეობამ უნდა მიმართოს ბინათმესაკუთრეთა ამხანაგობების თავმჯდომარეებს, ხოლო კერძო სახლებში მცხოვრები მოქალაქეები საშვებს მიიღებენ ვაკის რაიონის გამგეობაში, თამარაშვილის N10-ში ან საუბნო განყოფილებაში, რომელიც ფალიაშვილის N41-ში მდებარეობს. ამ მიზნით, ვაკის რაიონის გამგეობა და გამგეობის საუბნო განყოფილება ამ უქმეებზეც მუშაობს.

კახა კალაძესთან ერთად ადგილზე თბილისის მერიის ინფრასტრუქტურის განვითარების საქალაქო სამსახურის უფროსი გიორგი აბუთიძე, საკრებულოს თავმჯდომარე და ვაკის რაიონის მაჟორიტარი დეპუტატი გიორგი ტყემალაძე, ასევე, პარლამენტის დეპუტატი ნოდარ ტურძელაძე იმყოფებოდნენ“,- აღნიშნავენ დედაქალაქის მერიაში.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
„საქკაბელმა“ ენერგეტიკულ გამოფენაზე ახალი პროდუქცია წარადგინა
მედიაჰოლდინგ „ჯორჯიან თაიმსის” ბიზნეს რეიტინგის XXIII დაჯილდოების ცერემონიაზე PSP-მ 3 ჯილდო მიიღო
GM PHARMA-ს მორიგი აღიარება და საერთაშორისო PIC/S GMP სერტიფიკატი