ლევან დავითაშვილი - დიდი იმედი მაქვს, რომ სანქციები არ იქნება - საკმაოდ კომპლექსური დიალოგი გვაქვს პარტნიორებთან და ეს გვაძლევს საფუძველს, ვიფიქროთ, რომ შევძლებთ საერთო ენა ვიპოვოთ

საქართველო ევროკავშირის სანდო და საიმედო პარტნიორია, დავამტკიცეთ, რომ უმნიშვნელოვანესი მოკავშირე ვართ, მათ შორის, საერთაშორისო სანქციების აღსრულების კუთხით - დიდი იმედი მაქვს, რომ არ იქნება სანქციები, რომელიც იქნება დამაზიანებელი, - ამის შესახებ საქართველოს ეკონომიკისა და მდგრადი განვითარების მინისტრმა ლევან დავითაშვილმა მთავრობის სხდომის დასრულების შემდეგ განაცხადა, რითაც უპასუხა კითხვას, ხედავს თუ არა ევროკავშირის მხრიდან სანქციების დაწესების რისკს.

მისივე თქმით, შეიძლება გარკვეულ საკითხებზე აზრთა სხვადასხვაობა იყოს, მაგრამ საბოლოოდ, საღი აზრი ყოველთვის გაიმარჯვებს.

„შთაბეჭდილება მექმნება, რომ ზოგიერთ ოპოზიციონერს როგორი გემოვნებაც აქვს და სურვილიც, რომ გულშემატკივრობენ საქართველოს ან კონკრეტული მოქალაქეების სანქცირებას, ზოგი მედიაც ასე გულშემატკივრობს.

თუ ჩვენ ამ ნაწილში ვერთიანდებით, რომ ჩვენთვის სანქციები მიუღებელია, არასწორია, არ არის პარტნიორული, რა თქმა უნდა, ჩვენ გვაქვს შანსი, რომ პარტნიორებთან, სტრატეგიულ პარტნიორებთან, მეგობრებთან დიალოგის რეჟიმში ყველა საკითხი გადავწყვიტოთ. არცერთი საკითხი არ არის ერთსახოვანი, კომპლექსურია. ევროკავშირი არ არის ერთი სახელმწიფო, აქაც ბევრი სახელმწიფოა, ბევრი პოლიტიკური ჯგუფია და პრიორიტეტი. პროცესები მარტივი არ არის. დიალოგი ხანგრძლივი პროცესია, რომლის ფარგლებში 100%-ით დარწმუნებული ვარ, რომ გამოსავალს ვიპოვით. საქართველო ევროკავშირის სანდო და საიმედო პარტნიორია, დავამტკიცეთ რომ უმნიშვნელოვანესი მოკავშირე ვართ, მათ შორის, საერთაშორისო სანქციების აღსრულების კუთხით. საქართველო არათუ სამაგალითო, უმნიშვნელოვანესი პარტნიორია. არის საკითხები, სადაც მკაფიო პროგრესი გვაქვს, შეიძლება გარკვეულ საკითხებზე აზრთა სხვადასხვაობაა, მაგრამ საბოლოოდ, საღი აზრი ყოველთვის გაიმარჯვებს. ვიპოვით გამოსავალს, ეს ნიშნავს, რომ ჩვენ შევჯერდებით თანამშრომლობის ისეთ ფორმატებზე, რომელიც სასარგებლო იქნება როგორც ევროკავშირისთვის, ისე საქართველოსთვის.

დიდი იმედი მაქვს, რომ არ იქნება სანქციები, რომელიც იქნება დამაზიანებელი....ჩვენ გვაქვს საკმაოდ კომპლექსური დიალოგი ჩვენს პარტნიორებთან, რომელიც ითვალისწინებს ძალიან ბევრი მიმართულებით ძალიან მნიშვნელოვან თანამშრომლობას. ეს გვაძლევს საფუძველს, ვიფიქროთ, რომ შევძლებთ საერთო ენა ვიპოვოთ მათ შორის, განსხვავებულ საკითხებზე“,- აღნიშნა დავითაშვილმა.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია