Webster University Georgia-ს ახალი რექტორი ჰყავს

Webster University Georgia-ს ახალი რექტორი ჰყავს. ჟან პოლ ვან მარისინგი მალე ოფიციალურად შეუდგება საქმიანობას.

ჟან პოლ ვან მარისინგი 2010 წლიდან Webster University Leiden-ის რექტორია. მას ლეიდენის უნივერსიტეტის დოქტორის ხარისხი აქვს მიღებული ევროპული სამართლის მიმართულებით.

პროფესორ მარისინგს აქვს ლიდერობისა და მართვის მრავალწლიანი გამოცდილება კერძო და საჯარო სექტორში ევროპის სხვადასხვა ქვეყანასა და აშშ-ში. მან საქმიანობა ბიზნეს კონსულტანტად დაიწყო. სხვადასხვა დროს, გახლდათ European Commission-ის Euro Info Centre-ის ბიზნეს კონსულტანტი, ჰოლანდიური წამყვანი სამშენებლო კომპანიის CVK Kalkzandsteen-ის მმართველი საბჭოს პრეზიდენტი, წამყვანი ამერიკული იურიდიული ფირმების Baker & McKenzie-ისა და Howrey-ის პარტნიორი და წამყვანი იურისტი.

მოგვიანებით, ჟან პოლ ვან მარისინგმა საგანმანათლებლო სექტორში გადაინაცვლა და დღემდე წარმატებით აგრძელებს საქმიანობას ევროპის წამყვან უნივერსიტეტებში. ვებსტერის სხვადასხვა კამპუსში საქმიანობის პარალელურად, ის გახლავთ პროფესორი Nyenrode Business Universiteit-ში (ნიდერლანდები).

ჟან პოლ ვან მარისინგს გამოცემული აქვს 10 წიგნი და 50-ზე მეტი სტატია ევროკავშირთან დაკავშირებულ საინტერესო და აქტუალურ თემებზე. ის მიმდინარე თემებთან დაკავშირებით ხშირად გახლავთ სატელევიზიო თუ რადიო გადაცემების სტუმარი.

(R)

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავის ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო