ერაყისა და იორდანიის შემდეგ, შვეიცარიაში გამართული მშვიდობის გლობალური სამიტის ერთობლივი კომუნიკეს ხელმომწერ ქვეყნებს კიდევ ერთი ქვეყანა, რუანდა გამოაკლდა, - ინფორმაციას უკრაინული მედია ავრცელებს.

მათივე ინფორმაციით, სიას დაემატა მსოფლიო საპატრიარქო, რომელიც, 16 ივნისის მდგომარეობით, ხელმომწერთა შორის არ იყო.

შეგახსენებთ, შვეიცარიაში, 15-16 ივნისს გამართული უკრაინის მშვიდობის სამიტის მონაწილეებმა შემაჯამებელი კომუნიკე მიიღეს, რომელსაც, თავდაპირველად, ხელს აწერდა 80 ქვეყანა, მათ შორის საქართველო, და 4 ორგანიზაცია. გუშინ ცნობილი გახდა, რომ ხელმომწერი ქვეყნების რაოდენობა 80-დან 78-მდე შემცირდა. კერძოდ, განახლებულ სიაში აღარ შედიან ერაყი და იორდანია.