მინდა მივულოცო ყველა ქართველ ფეხბურთელს - მათთან ერთად ჩვენც ძალიან მალე შევაბიჯებთ ევროკავშირში! - ასე ეხმაურება „სტრატეგია აღმაშენებლის“ლიდერი, გიორგი ვაშაძე საქართველოს ეროვნულ საფეხბურთო ნაკრებსა და თურქეთის ნაკრებს შორის დაგეგმილ თამაშს, რომელიც გერმანიაში გაიმართება.

როგორც გიორგი ვაშაძემ აღნიშნა, "ძალა ერთობაშია! საქართველოს მომავალი ევროკავშირშია".

„გამარჯვება ჩვენს ბიჭებს, გამარჯვება საქართველოს! დღეს ყველა ვგულშემატკივრობთ საამაყო ეროვნულ ნაკრებს, რომელმაც უკვე მოიპოვა საპატიო ადგილი ევროპის ერთა შორის.

მინდა მივულოცო ყველა ქართველ ფეხბურთელს - ისინი უკვე გამარჯვებულები არიან, რადგან მათ მოიპოვეს ქართველი ხალხის უდიდესი სიყვარული. მათთან ერთად ჩვენც ძალიან მალე შევაბიჯებთ ევროკავშირში!

ძალა ერთობაშია! საქართველოს მომავალი ევროკავშირშია!” - აღნიშნა გიორგი ვაშაძემ.