არაბთა გაერთიანებული საამიროების საელჩომ მსხვერპლშეწირვის დღესასწაულთან დაკავშირებით საქველმოქმედო პროექტი განახორციელა

მიმდინარე წლის 16 ივნისს, საქართველოში არაბთა გაერთიანებული საამიროების საელჩომ საამიროების წითელი ნახევარმთვარის ორგანიზაციის მხარდაჭერითა და სრულიად საქართველოს მუსლიმთა სამმართველოს შუამდგომლობით, მსხვერპლშეწირვის დღესასწაულთან დაკავშირებით Eid Al-Adha 2024-ის საქველმოქმედო ღონისძიება გამართა. პროექტის ფარგლებში რამდენიმე მსხვილფეხა საქონელი დაიკლა, შეწირული ხორცი კი საქართველოს მუსლიმებით დასახლებულ სხვადასხვა რეგიონში მუსლიმი თემის საჭიროებების მქონე ოჯახებს შორის განაწილდა.

ერთ-ერთი ძირითადი ღონისძიება ქალაქ რუსთავის ჯუმა მეჩეთში გაიმართა და მას არაბთა გაერთიანებული საამიროების საელჩოს ატაშე, ბატონი ხალედ ალქააბი და მუსლიმთა სამმართველოს წარმომადგენლები დაესწრნენ.

საელჩოს წარმომადგენელმა, ბატონმა ალქააბიმ მეჩეთთან შეკრებილ საზოგადოებას მსხვერპლშეწირვის დღესასწაული მიულოცა და ისაუბრა არაბთა გაერთიანებული საამიროების სახელმწიფოს და მისი მეთაურების ძალისხმევაზე, ჰუმანიტარული დახმარება გაუწიონ საჭიროების მქონე ადამიანებს მსოფლიოს ყველა კუთხეში განურჩევლად მათი ეთნიკური, რელიგიური თუ გეოგრაფიული მიკუთვნებულობისა.

ბატონმა ხალედ ალქააბიმ მადლობა გადაუხადა სრულიად საქართველოს მუსლიმთა სამმართველოს ამ საქველმოქმედო ღონისძიების ორგანიზებაში დახმარებისთვის და გამოხატა მზადყოფნა, მომავალშიც გაგრძელდეს მსგავსი სახის ურთიერთთანამშრომლობა.

თავის მხრივ, საქართველოს მუსლიმმა რელიგიურმა ლიდერებმა არაბთა გაერთიანებული საამიროების ხელისუფლებასა და ხალხს მსხვერპლშეწირვის დღესასწაული მიულოცეს, საელჩოს კი გაწეული მხარდაჭერისათვის მადლობა გადაუხადეს და მომავალ საქმიანობაში წარმატებები უსურვეს.

საქართველოში არაბთა გაერთიანებული საამიროების საელჩო

(R)

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის