გიორგი რუხაძე - ჩვენი მთავარი პარტნიორები სამწუხაროდ, აღარ არიან აშშ და ევროკავშირის ქვეყნები - მთავარი პარტნიორი ხდება ჩინეთი, რუსეთი და ავტორიტარული სამყარო, ეს არის ძალიან სერიოზული პრობლემა

„სტრატეგიული ანალიზის ცენტრის“ დამფუძნებლის გიორგი რუხაძის შეფასებით, როდესაც ჩინეთი ეპატრონება საქართველოში ისეთ სტრატეგიულ ობიექტს, როგორიც ანაკლიის პორტია, ეს საფრთხის შემცველია და კიდევ ერთხელ მიანიშნებს საქართველოს ხელისუფლების საგარეო პოლიტიკის ტრაექტორიას.

როგორც რუხაძემ ჟურნალისტებს განუცხადა, ჩინეთს ძალიან ცუდი ისტორია აქვს სტრატეგიული ობიექტების ფლობის და შემდეგ ქვეყნების შანტაჟის კუთხით.

„აშშ-ის ელჩმა პირდაპირ თქვა, რომ საქართველო ისეთი სტრატეგიული მნიშვნელობის ობიექტზე, როგორიც არის ანაკლიის პორტი, უპარტნიორდება რუსეთის მთავარ სპონსორს-ჩინეთს. ბუნებრივია, ჩვეულებრივ მდგომარეობაში ჩინეთთან ვაჭრობა არის ნორმალური, მაგრამ როდესაც ჩინეთი ეპატრონება საქართველოში სტრატეგიულ ობიექტებს, ეს ბუნებრივია არის საფრთხის შემცველი და კიდევ ერთხელ მიანიშნებს საქართველოს ხელისუფლების საგარეო პოლიტიკის ტრაექტორიას იმიტომ, რომ ჩვენი მთავარი პარტნიორები სამწუხაროდ, აღარ არიან აშშ და ევროკავშირის ქვეყნები. მთავარი პარტნიორი ხდება ჩინეთი, რუსეთი და ავტორიტარული სამყარო, ეს არის ძალიან სერიოზული პრობლემა.

რაც შეეხება კონკრეტულად ანაკლიის პორტს, თავისთავად ჩინეთს აქვს ძალიან ცუდი ისტორია სტრატეგიული ობიექტების ფლობის და შემდეგ ქვეყნების შანტაჟის. იმედს ვიტოვებ, საქართველო ჩინური სესხის ყულფის მსხვერპლი არ გახდება, რომელიც არაერთ ქვეყანას გამოუცდია. იმედს ვიტოვებ, რომ 4 თვის შემდეგ საქართველოს ხელისუფლება შეიცვლება და ანაკლიის პორტის ბედიც სხვანაირად განვითარდება",-განაცხადა რუხაძემ.

გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო