სს „ენერგო-პრო ჯორჯია“ სტუდენტების ანაზღაურებად სტაჟირებას, 1-ელი ივლისიდან დაიწყებს - სს „ენერგო-პრო ჯორჯიაში“ მიმდინარეობს შეხვედრები იმ სტუდენტებთან, რომლებმაც საზაფხულო დასაქმების პროგრამაში მონაწილეობის სურვილი გამოთქვეს,- ამის შესახებ ინფორმაციას „ენერგო-პრო ჯორჯია“ ავრცელებს.

მათივე ცნობით, კომპანიის შესაბამისი მიმართულებების, დეპარტამენტების ხელმძღვანელებმა სტუდენტებს მიაწოდეს ინფორმაცია მათი საქმიანობის სპეციფიკასთან დაკავშირებით.

სტუდენტებს აქვთ საშუალება, მათთვის სასურველი მიმართულება აირჩიონ და ამის შემდეგ უკვე შესარჩევი გასაუბრებები დაიგეგმება.

,,ენერგო-პრო ჯორჯიას“ ინფორმაციით, საზაფხულო დასაქმების პროგრამაში მონაწილეობის სურვილი გამოთქვეს სხვადასხვა უმაღლესი თუ პროფესიული სასწავლებლის სტუდენტებმა.