ესპანეთიდან უკრაინაში შორ მანძილზე მოქმედი Patriot-ის საზენიტო რაკეტების მეორე პარტია უკვე ჩავიდა, - ინფორმაციას El Mundo სამთავრობო წყაროებზე დაყრდნობით ავრცელებს.

გამოცემის ცნობით, უკრაინამ დახმარების პირველი პარტია აპრილის ბოლოს მიიღო, მეორე კი - ივნისში.

Patriot-ის საზენიტო რაკეტების გარდა უკრაინამ მიიღო Leopard-ის საბრძოლო ტანკები, სხვადასხვა ტიპის საბრძოლო მასალა, მათ შორის 155 მმ-იანი საარტილერიო იარაღი, დრონებისგან დამცავი სისტემები და ოპტიკურ-ელექტრონული სათვალთვალო სისტემები.