თურქეთის პრეზიდენტი რეჯეფ თაიფ ერდოღანი უახლოეს დღეებში ასტანაში რუს კოლეგა ვლადიმერ პუტინთან შეხვედრას გეგმავს, - ამის შესახებ თურქეთის საგარეო საქმეთა მინისტრმა ჰაკან ფიდანმა თურქულ მედიასთან ინტერვიუში განაცხადა.

„უახლოეს დღეებში, შესაძლებელია, ჩვენი პრეზიდენტისა და ვლადიმერ პუტინის შეხვედრა ყაზახეთში“, - განაცხადა საგარეო უწყების ხელმძღვანელმა.

მანამდე, რუსეთის პრეზიდენტის თანაშემწემ, იური უშაკოვმა განაცხადა, რომ მოსკოვი იმედოვნებს, ვლადიმერ პუტინი და რეჯეფ თაიფ ერდოღანი შეძლებენ შეხვედრის გამართვას შანხაის თანამშრომლობის ორგანიზაციის სამიტის ფარგლებში, რომელიც 3-4 ივლისს ასტანაში გაიმართება.