Webster University Georgia ახალი სასწავლო წლისთვის განახლებული სასწავლო პროგრამებითა და კურიკულუმებით ემზადება და ამავდროულად, აბიტურიენტებს პირველ პრიორიტეტად არჩევის შემთხვევაში 1 400$ ოდენობის გრანტს სთავაზობს.

გრანტის მიღება უნივერსიტეტის ყველა საბაკალავრო პროგრამაზეა შესაძლებელი. ეს ეხება პირველ სასწავლო წელს, თუმცა მაღალი GPA-ს ქონის შემთხვევაში, სტუდენტებს გრანტის შემდგომ აკადემიურ წლებში შენარჩუნების შესაძლებლობაც აქვთ.

პარალელურად, Webster University Georgia-ს სტუდენტებისთვის სახელმწიფო გრანტიც მოქმედებს. სწავლის ღირებულებას გამოაკლდება როგორც თავად უნივერსიტეტის შიდა გრანტი , ისე სტუდენტის მიერ მოპოვებული სახელმწიფო გრანტის შესაბამისი თანხის ოდენობაც.

რაც შეეხება Webster University Georgia-ს სამაგისტრო პროგრამებზე ჩაბარების მსურველებს, მათ საგამოცდო ქულის, აკადემიური მოსწრების და სხვა მიღწევების გათვალისწინებით ინდივიდუალურად 1000$-დან 1400$-მდე გრანტის მიღების შესაძლებლობა აქვთ.

Webster University Georgia-ში ახალი სასწავლო წლიდან შემდეგი საბაკალავრო პროგრამები განხორციელდება:

• ბიზნესის ადმინისტრირება;
• საერთაშორისო ურთიერთობები;
• ფსიქოლოგიის მეცნიერებები;
• კომპიუტერული მეცნიერებები.

უნივერსიტეტი ასევე ახორციელებს ორ სამაგისტრო პროგრამას. ესენია:

• ბიზნესის ადმინისტრირება;
• საერთაშორისო ურთიერთობები.

თითოეული პროგრამა აკრედიტებული როგორც საქართველოს შესაბამისი ორგანოების მიერ, ისე ამერიკის შეერთებულ შტატებში. პროგრამებს აქვთ HLC (higher learning commission-ის აკრედიტაცია). Webster University 1925 წლიდან ინარჩუნებს ინსტიტუციურ აკრედიტაციას, რომელიც ვრცელდება მსოფლიო მასშტაბით. ეს ნიშნავს, რომ Webster University Georgia-ს სტუდენტები მიიღებენ იმავე ხარისხს, რასაც მიიღებდნენ აშშ-ში.

აღსანიშნავია, რომ ბიზნესის მიმართულების პროგრამები ასევე აკრედიტებულია მსოფლიოს ერთ-ერთი უმაღლესი რანგის აკრედიტაციის ორგანოს Accreditation Council for Business Schools and Programs (ACBSP)-ის მიერ.

(R)