ევროპის საბჭოს საპარლამენტო ასამბლეა - საარჩევნო ცვლილებები მმართველ უმრავლესობას ცესკოს ყველა გადაწყვეტილების გაკონტროლების პოტენციურ შესაძლებლობას აძლევს

ასამბლეა ხაზს უსვამს შეშფოთებას, ვენეციის კომისიის რეკომენდაციების მიუხედავად, საქართველოში არჩევნების სამართლებრივ ჩარჩოში ცვლილებების მიღებასთან დაკავშირებით, რომელიც ცვლის ცენტრალური საარჩევნო კომისიის თავმჯდომარისა და უპარტიო წევრების არჩევის წესს და რომელმაც გააუქმა ოპოზიციის მიერ დანიშნული ცესკოს ვიცე-პრეზიდენტის თანამდებობა, - ამის შესახებ ევროპის საბჭოს საპარლამენტო ასამბლეის რეზოლუციაშია აღნიშნული, რომელიც დღეს მიიღეს.

„ეს ცვლილებები საშუალებას მისცემს მმართველ უმრავლესობას, თავად შეარჩიოს და დანიშნოს ცესკოს თავმჯდომარე და უპარტიო წევრები, რაც, ფაქტობრივად, მისცემს მას ცესკოს წევრთა უმრავლესობას. ასამბლეის შეშფოთებას ემატება საარჩევნო კოდექსში ბოლო წუთში შეტანილი ცვლილებები, რომლებიც მიღებულ იქნა ნაჩქარევად, დაინტერესებულ მხარეებთან კონსულტაციის გარეშე, რამაც შეცვალა ცესკოს მიერ გადაწყვეტილების მიღებისათვის კანონიერად საჭირო უმრავლესობები. ცესკოს თავმჯდომარისა და უპარტიო წევრების არჩევის პროცესში შეტანილ ცვლილებებთან ერთად, ეს ცვლილებები მმართველ უმრავლესობას აძლევს პოტენციურ შესაძლებლობას, ცესკოს ყველა გადაწყვეტილება გააკონტროლოს“, - აღნიშნულია რეზოლუციაში.

ევროპის საბჭოს საპარლამენტო ასამბლეა აცხადებს, რომ საარჩევნო კოდექსში შეტანილი ეს ცვლილებები დიდ გავლენას მოახდენს დაინტერესებული მხარეების აღქმასა და საარჩევნო ადმინისტრაციის მიუკერძოებლობისა და სამართლიანობის მიმართ ნდობაზე.

„ეს ცვლილებები დიდ გავლენას მოახდენს დაინტერესებული მხარეების აღქმასა და საარჩევნო ადმინისტრაციის მიუკერძოებლობისა და სამართლიანობის მიმართ ნდობაზე. ეს კი, თავის მხრივ, გავლენას მოახდენს იმაზე, თუ როგორ აღიქვამენ და მიიღებენ დაინტერესებული მხარეები და ზოგადად, ქართული საზოგადოება არჩევნების ლეგიტიმურობასა და სამართლიანობას და მის შედეგებს“, - აღნიშნულია რეზოლუციაში.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 25.07.2024
კახა ოქრიაშვილი - „ოცნების“ ორმაგი და სამმაგი თამაში ომამდე მიგვიყვანს
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო