დონალდ ტრამპი - უკრაინა ომს ვერ მოიგებს

ეს არის ომი, რომელიც არასდროს უნდა დაწყებულიყო, ის არ დაიწყებოდა, ჩემი პრეზიდენტობის დროს, - ამის შესახებ აშშ-ის ყოფილმა პრეზიდენტმა და „რესპუბლიკელების“ საპრეზიდენტო კანდიდატმა, დონალდ ტრამპმა მეტოქესთან, პრეზიდენტ ჯო ბაიდენთან სატელევიზიო დებატების დროს განაცხადა.

“რაც შეეხება რუსეთს და უკრაინას, ჩვენ რომ ნამდვილი პრეზიდენტი გვყავდეს, პრეზიდენტი, რომელსაც პუტინი პატივს სცემს, ის არასოდეს შეიჭრებოდა უკრაინაში. ახლა ბევრი ადამიანი მკვდარია, იმაზე მეტი, ვიდრე ხალხმა იცის“, - აღნიშნა ტრამპმა.

მისი მტკიცებით, უკრაინა რუსეთთან ომს ვერ მოიგებს.

„უკრაინა ამ ომს ვერ მოიგებს. მათ ეწურებათ ჯარისკაცების რაოდენობა. ამდენი ხალხი დაკარგეს. მათ დაკარგეს დიდებული ქალაქები ოქროს ათასწლოვანი გუმბათებით - ყველაფერი მის (ბაიდენის) და მის მიერ მიღებული სულელური გადაწყვეტილებების გამო. მე რომ პრეზიდენტი ვყოფილიყავი, რუსეთი არასოდეს დაესხმებოდა თავს უკრაინას“, - განაცხადა ტრამპმა.

მან ჯო ბაიდენი უკრაინისთვის დახმარების გამო გააკრიტიკა და პრეზიდენტ ვოლოდიმირ ზელენსკის ყველაზე დიდი ვაჭარი უწოდა.

„მან 200 მილიარდი დოლარი და მეტი გადასცა უკრაინას. ეს არის ბევრი ფული. ყოველ ჯერზე, როცა ზელენსკი ჩამოდის ამ ქვეყანაში, ის მიდის 60 მილიარდი დოლარით, ის არის ყველაზე დიდი ვაჭარი. მე მოვაგვარებ ომს პუტინსა და ზელენსკის შორის, როგორც არჩეული პრეზიდენტი. მანამ, სანამ 20 იანვარს თანამდებობას ოფიციალურად დავიკავებ, ეს ომი მოგვარებული მექნება“, - აღნიშნა ტრამპმა.

გიორგი ანთაძე - თუ ასე გაგრძელდა, დასავლეთთან ურთიერთობების აღდგენას და სათანადო რელსებზე დაბრუნებას დიდი დრო შეიძლება დასჭირდეს, ან კიდევ სულაც წარმოუდგენლად გართულდეს
იოსებ მურმანიშვილი - ოსტეოართრიტის სამკურნალოდ კლინიკა „ნიუმედი“ პაციენტებს ინექციური მკურნალობის მეთოდს სთავაზობს, რაც მნიშვნელოვნად აუმჯობესებს სახსრების ფუნქციას და შესაბამისად ზრდის პაციენტის ცხოვრების ხარისხს
ქართული პრესის მიმოხილვა 15.07.2024
რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ევროკავშირი პროგრამა „განათლება დასაქმებისთვის” ფარგლებში მნიშვნელოვან შედეგებს აქვეყნებს
TNET-ის რეგისტრაციის ოფისი უძრავი და მოძრავი ქონების გაფორმებისა და რეგისტრაციისთვის თბილისში
.ge დომენი წელიწადი 1 ლარად - Domenebi.ge-ს მომხმარებლებს დომენების 2 წლით შეძენა 51 ლარად შეუძლიათ
გაზრდილი სიჩქარე, უცვლელი ფასი