GITA-მ 150 000-ლარიანი თანადაფინანსების გრანტების პროგრამა მეცამეტედ გამოაცხადა

საქართველოს ინოვაციების და ტექნოლოგიების სააგენტომ 150 000-ლარიანი თანადაფინანსების გრანტების პროგრამა მეცამეტედ გამოაცხადა. აღნიშნულთან დაკავშირებით ინფორმაციას ინოვაციებისა და ტექნოლოგიების სააგენტო ავრცელებს. მათი ცნობით, დაინტერესებულ პირებს 1 ივლისიდან საშუალება ეძლევათ, გრანტების პორტალის www.grants.gov.ge მეშვეობით ინოვაციური ბიზნეს იდეა წარადგინონ, რომელთა შეფასებას სააგენტოს მიერ დაქირავებული დამოუკიდებელი, მიუკერძოებელი და შესაბამისი კვალიფიკაციის მქონე შემფასებლები განახორციელებენ. პირველ ეტაპზე 150 სტარტაპი შეირჩევა, რომელიც გადამზადებას ბიზნეს გეგმის, ბიუჯეტირების, პროგნოზირებისა და ბაზრის კვლევის მიმართულებით გაივლის. შემდგომ საფეხურზე 150 სტარტაპი გრანტების პორტალის მეშვეობით ბიზნეს გეგმებს წარმოადგენს, რომლებსაც საერთაშორისო ექსპერტები შეაფასებენ. ბიზნეს გეგმის შეფასებისა და გასაუბრების საფუძველზე 50 ფინალისტი გამოვლინდება.

თანადაფინანსების გრანტები იმ სტარტაპებისთვისაა განკუთვნილი, რომელთა ჯამური ბრუნვა ბოლო 12 თვის განმავლობაში 500 000 ლარს არ აღემატება. ასევე პროექტის ხანგრძლივობა არ უნდა აღემატებოდეს 9 თვეს. პროექტი არ უნდა იყოს დაკავშირებული სპირტის და სპირტიანი სასმელების, თამბაქოს და სახიფათო ნივთიერებების წარმოებასთან. ღვინის ინდუსტრიასთან დაკავშირებული პროექტები დასაშვებად იქნება მიჩნეული, თუ იგი არ ეხება სპირტის, ან სპირტის შემცველი პროდუქტების წარმოებას.

თანადაფინანსების გრანტების პროგრამის თორმეტი რაუნდის ფარგლებში ჯამურად 235 სტარტაპი დაფინანსდა.

დეტალური ინფორმაცია იხილეთ თანადაფინანსების ვებ-პორტალზე: www.grants.gov.ge.

გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო